Norsk

Haust

Formålet med emnet er å gi ei grunnleggande forståing av teatret si historie. Studentane skal verte kjende med den eldre europeiske teaterhistoria frå antikken og fram til slutten av 1700-talet.

Studentane skal òg verta kjende med grunnleggande historiografiske problemstillingar i teatervitskapen. Gjennom undervisinga vert det etablert ei forståing for samanhengen mellom teater i fortid og nåtid.

Emnet inneheld òg ei innføring i teatervitskapeleg oppgåveskriving.

Kunnskapar

Etter fullført emne har studenten

• gode kunnskapar om dei ulike epokane i eldre europeisk teaterhistorie
• grunnleggjande forståing for teaterhistoriske samanhengar og utviklingslinjer
• grunnleggjande kunnskapar om teaterhistoriografiske problemstillingar.

Ferdigheiter

Etter fullført emne kan studenten

• gi ei god skriftleg utgreiing om eit emne innan eldre europeisk teaterhistorie
• foreta ei enkel historiografisk vurdering av ein teaterhistorisk tekst
• formulere ei teaterhistorisk problemstilling og planleggje innsamling av litteratur og kjelder for akademisk handsaming av problemstillinga.

Generell kompetanse

Etter fullført emne kan studenten

• tileigne seg ny teaterhistorisk kompetanse gjennom eigna studiar av eldre teaterhistorie
• reflektere over ulike måtar å forstå teaterhistoria på
• reflektere over samanhengen mellom teaterhistoria og teater i notida.

Pensum omfattar ein god del framandspråkleg litteratur, og det er ei føremon om studentane har gode kunnskaper i engelsk.

Hovuddelen av undervisinga vert lagt opp som førelesingar. Det vil òg vere eit obligatorisk innføringskurs i oppgåveskriving. I samband med dette skal studenten skrive ei øvingsoppgåve, og møte til individuell rettleiing av øvingsoppgåva, jf. obligatoriske arbeidskrav

Studentane skal gjennomføre tre obligatoriske aktivitetar:

1) Delta på innføringskurs i oppgåveskriving

2) Levere inn ei øvingsoppgåve

3) Møte til rettleiing av øvingsoppgåve.

Skriftleg skuleeksamen på seks timar.

Evaluering av tilbodet vert gjennomført i tråd med UiB sitt kvalitetssikringssystem.

Institutt for lingvistiske, litterære og estetiske studium

E-post: studierettleiar@lle.uib.no