Emnet har to delar: Den eine delen omfattar ei innføring i epokar og retningar i nyare teaterhistorie. Den andre delen tek for seg ei innføring i teori og metode for analyse av teaterframsyningar. Gjennom undervising og rettleiingar skal studenten utarbeide ein skriftleg analyse av ei teaterframsyning.

Formålet med emnet er å gi studenten ei historisk forståing for det moderne teatret si utvikling og forståing av teater som kunst i samfunnssamanheng.

Kunnskapar

Etter fullført emne har studenten

• gode kunnskapar om det moderne teatret si historie.
• forståing for samanhengar og utviklingslinjer i moderne europeisk teaterhistorie
• grunnleggjande kunnskapar om teatervitskapelige analysemetodar.

Ferdigheiter

Etter fullført emne kan studenten

• gi ei god skriftleg og munnleg utgreiing om eit nyare teaterhistorisk emne.
• analysere ei teaterframsyning med tanke på virkemiddelsbruk, dramaturgi og samfunnskontekst
• formulere ei problemstilling innan nyare teaterhistorie, og planlegge innsamling av litteratur og kjelder for akademisk handsaming av problemstillinga.

Generell kompetanse

Etter fullført emne kan studenten

• tileigne seg ny teaterhistorisk kompetanse gjennom eigna studiar av nyare teaterhistorie
• formulere ei skriftleg analyse av ei teaterframsyning
• reflektere over estetiske, historiske og politiske aspektar ved samtidas teater.

1. Å ta del i gruppearbeidet og å møte tre gonger til grupperettleiing med faglærar.

2. Å utarbeide ein individuell skriftleg analyse av teaterframsyninga som gruppa har valgd og levere denne til ein frist som vert publisert på Mitt UiB. Den skriftlege analysen skal godkjennast av faglærar før kandidaten kan gå opp til munnleg eksamen.

Institutt for lingvistiske, litterære og estetiske studium

E-post: studierettleiar@lle.uib.no