Emnet har tre delar: Den eine delen omfattar skodespelarkunsten si historie og uttrykksmiddel. Den andre delen tek for seg utviklinga av scenerommet og det arkitektoniske tilhøvet mellom scene og sal, og gjer greie for kva desse faktorane har å seie for utviklinga av scenografi innan teater. Den tredje delen inneheld ei innføring i teaterkritikken si historie og praksis.

Formålet med emnet er å gi studenten ei systematisk forståing av skodespelarkunst, teaterarkitektur og scenografi og teaterkritikk i historisk og samtidig kontekst.

Kunnskapar

Etter fullført emne har studenten:

• grunnleggjande kunnskapar om skodespelarkunsten si historie og uttrykksmiddel
• grunnleggjande kunnskapar om moderne teaterarkitektur og scenografi
• grunnleggjande kunnskapar om teaterkritikken si historie og praksis.

Ferdigheiter

Etter fullført emne kan studenten:

• gi ei god skriftleg og munnleg utgreiing om emne innan skodespelarkunst og scenografi
• formulere ein medierelatert kritikk av ei teaterframsyning.

Generell kompetanse

Etter fullført emne kan studenten:

• tileigne seg ny kunnskap om skodespelarkunst og scenografi
• Diskutere skodespelarkunst og scenografi på systematiske måtar
• reflektere analytisk og kritisk om ei teaterframsyning.

Undervisninga blir gitt i form av forelesingar (som kan omfatte studentframleggingar.)

Ingen.

Institutt for lingvistiske, litterære og estetiske studium

E-post: studierettleiar@lle.uib.no