I emnet skal studenten førebu og presentere eit seminarinnlegg på om lag 6000 ord knytt til ein ekskursjon når ekskursjon vert tilbydd og organisert av fagmiljøet. Seminarinnlegget kan anten være eit førebudd innlegg som skal haldast på ekskursjon eller ei analyse av ei eller fleire teaterførestillingar studenten har sett på ekskursjonen. Innlegget skal då haldast etter ekskursjonen i samband med ei seminarrekke på TEAT311. Emnet for innlegget skal være godkjent av ekskursjonsleiar før ekskursjonen finn stad.

Emnet er valfritt i masterstudiet i teatervitskap og kan bytast ut med emne på masternivå frå andre fag/ universitet. Innpassing av slike emne må godkjennast før studenten kan melde seg til eksamen i emnet.

Bachelorgrad med spesialisering i teatervitskap eller tilsvarande.

Ekskursjonen er eit feltstudium i ein annan by som har teatervitskapleg interesse. Ekskursjonen vil omhandla teaterhistoria og kontekstuelle forhold i den byen der ekskursjonen finn stad.

Viktige innslag i ekskursjonen er teaterførestellingar og annan scenisk kunst, samt besøk ved institusjonar, kulturhus og museum.

Ekskursjonen finn stad i ein periode som fagmiljøet finn høvande. Ekskursjonen kan òg involvere andre nivå på faget.

Seminarinnlegget skal være på omlag 6000 ord og skal framførast munnleg. Innlegget skal endeleg godkjennast på grunnlag av innlevert manuskript.

Institutt for lingvistiske, litterære og estetiske studium

E-post: studierettleiar@lle.uib.no