I emnet skal studenten ha praksis i samband med teaterproduksjon ved teaterinstitusjon eller i samband med uavhengig teaterprosjekt. Gjennom praksisdeltakinga skal studenten erfare korleis teaterproduksjon går føre seg i praksis. På grunnlag av innhenta erfaring frå teaterpraksis skal studenten skriva ei analytisk og/eller kontekstualiserande oppgåve.

Praksisdeltakinga kan vere ved ein institusjon som teatervitskap ved Universitetet i Bergen har avtale med, eller ved eit uavhengig teaterprosjekt som vert godkjend av emneansvarleg.

Det vert forventa at studenten sjølv er aktiv i å skaffa seg praksisplass ved ein vertsinstitusjon. Emneansvarleg kan hjelpa med å etablera kontakt med vertsinstitusjon, men studenten kan ikkje krevja å få tildelt praksisplass.

Praksisdeltakinga skal bestå av inntil 4 normalarbeidsveker fordelt på ein eller fleire periodar hos ein teaterinstitusjon, ei teatergruppe eller eit uavhengig teaterprosjekt.

Innhaldet i praksisperioden vert definert i ein kontrakt som vert signert av studenten, emneansvarleg og vertsinstitusjonen v/ kontaktperson.

Kunnskapar

Etter fullført emnet har studenten

• detaljerte kunnskapar om den konkrete teaterproduksjonen eller den teaterinstitusjonen der studenten har hatt praksis
• god generell forståing av teaterproduksjon i praksis

Ferdigheiter

Etter fullført emne kan studenten

• observere, dokumentere og analysere arbeidsprosessar i samband med teaterproduksjon
• nytte teatervitskaplege teoriar og metodar til å analysere arbeidsprosessar og kunstnariske resultat innan teaterproduksjon

Generell kompetanse

Etter fullført emnet kan studenten

• føre saman nye teaterpraksisar med relevante teatervitskaplege teoriar
• vurdera og handsame forskingsetisk problemstillingar i samband med teaterpraksis

Det er ønskjeleg at studenten har bestått eksamen i minimum eitt av emna TEAT301 og TEAT302.

1) Å inngå skriftleg kontrakt med vertsinstitusjonen v/kontaktperson.

2) Å gjennomføra praksis i samsvar med kontrakten.

3) Å levera oppgåva til rettleiar og få minst to individuelle rettleiinger.

Institutt for lingvistiske, litterære og estetiske studium

E-post: studierettleiar@lle.uib.no