Bachelorprogrammet i kunsthistorie er 3-årig (180 studiepoeng). Programmet skal innehalde 30 studiepoeng med innføringsemne (Ex.phil. og Ex.fac.), 90 studiepoeng med spesialisering i kunsthistorie og valemne tilsvarande 60 studiepoeng.
Bachelorprogrammet i kunsthistorie skal gi teoretiske, analytiske og metodiske føresetnader for å forstå kunsthistorie og visuell kultur som historisk, kulturelt og sosialt fenomen.
Vi utforskar historia til biletmedia frå antikken til i dag - måleri, skulptur, masseproduserte bilete og moderne sjangrar som fotografi, film og elektroniske bilete, samt andre visuelle uttrykk; arkitekturhistorie og bygningsvern; byplanleggjing, hage- og landskapsarkitektur, kunsthandverk, kunstindustri og design; landskaps- og naturframstilling og visuell retorikk.
Bachelorprogrammet i kunsthistorie tar sikte på å gi ei generell innføring i den historiske utviklinga av måleri, skulptur, arkitektur og visuell kultur i Europa frå antikken og fram til vår eiga tid, og frå nyare tid også i USA. Programmet skal òg gi ei fordjuping i spørsmål om tolking, historisk utvikling, den samfunnsmessige karakteren til den visuelle kulturen og tilhøvet mellom det estetiske og det historiske i kunsten.
Bachelorprogrammet i kunsthistore gir kunnskap om visuell kultur og kunst frå antikken og fram til i dag. Det skal gi studentane kompetanse i å handsame teoretiske problem i omgangen med ulike visuelle uttrykk med konkrete døme frå historie og samtid.
Kandidaten skal dessutan kunne nytte sin kombinasjon av fag i spesialiseringa og i dei valfrie emna i vidare utdanning eller yrkesplanar.
Bachelorprogrammet i kunsthistorie skal innehalde 30 studiepoeng innføringsemne (førstesemesterstudiet):
Tekst og kultur er tilrådd.
Bachelorgraden kan ikkje innehalde meir enn 30 stp innføringsemne.
Bachelorprogrammet skal innehalde ei fagleg spesialisering i kunsthistorie på 90 studiepoeng.
Følgjande emne er obligatoriske i spesialiseringa og programmet:
KUN110: Innføring i visuell kultur og kunsthistorie (15 stp)
KUN201: Frå biletteori til estetikk (15 stp)
I tillegg må studenten velje minst tre av desse emna:
KUN111: Antikk og mellomalder (15 stp)
KUN112: Tidleg visuell kultur (15 stp)
KUN114: Moderne biletekultur (15 stp)
KUN116: Arkitekturhistorie (15 stp)
KUN117: Visuell retorikk (15 stp)
KUN118: Kunst i Noreg (15 stp)
Studenten må dessutan velje eitt av desse emna:
KUN252: Fotografiets estetikk og historie med bacheloroppgåve (15 stp)
KUN253: Antikken og den klassiske tradisjon med bacheloroppgåve (15 stp)
KUN254: Moderne kunst med bacheloroppgåve (15 stp)
KUN255: Arkitektur med bacheloroppgåve (15 stp)
KUN256: Områdestudium med bacheloroppgåve (15 stp)
KUN257: Landskap og naturframstilling med bacheloroppgåve (15 stp)
I det valfrie emnet på 200-nivå skal studenten skrive ei rettleia semesteroppgåve (bacheloroppgåve). Dette for å tilfredsstille gradskravet om eit sjølvstendig skriftleg arbeid på 15 studiepoeng, jfr. Utfyllande reglar for Det humanistiske fakultet.
Studieløpet i bachelorprogrammet i kunsthistorie kan til dømes sjå slik ut:
1. semester (haust):
Førstesemesterstudiet Ex.phil. og Ex.fac. (30 stp)
2. semester (vår):
KUN110: Innføring i visuell kultur og kunsthistorie (15 stp)
og eitt av desse emna:
KUN112: Tidleg visuell kultur (15 stp)
KUN114: Moderne biletekultur (15 stp)
KUN116: Arkitekturhistorie (15 stp)
3. semester (haust):
To av desse emna:
KUN111: Antikk og mellomalder (15 stp)
KUN117: Visuell retorikk (15 stp)
KUN118: Kunst i Noreg (15 stp)
4. - 6. semester:
I dei siste tre semestra tar studentane 200-nivået i spesialiseringa i kunsthistorie og dessutan valemne tilsvarande 60 studiepoeng i andre fag.
200-nivået i spesialiseringa i kunsthistorie kan takast vår eller haust.
Det obligatoriske emnet KUN201 går både haust og vår, medan dei andre 200-emna går anten haust eller vår.
Om våren (4. eller 6. semester) kan ein velje mellom:
KUN253: Antikken og den klassiske tradisjon med bacheloroppgåve (15 stp)
KUN254: Moderne kunst med bacheloroppgåve (15 stp)
KUN256: Områdestudium med bacheloroppgåve (15 stp)
Om hausten (5. semester) kan ein velje mellom
KUN252: Fotografiets estetikk og historie med bacheloroppgåve (15 stp) eller
KUN255: Arkitektur med bacheloroppgåve (15 stp) eller
KUN257: Landskap og naturframstilling med bacheloroppgåve (15 stp)
Ei generelle tilråding som ligg til grunn for døma over er at før ein tar fatt på 200-nivået bør ein ha fullført 60 studiepoeng på 100-nivå, inkludert introduksjonsemnet KUN110.
Bachelorprogrammet omfattar ulike undervisningsformer; til dømes forelesing, seminar, gruppeundervisning og individuell rettleiing.
For meir detaljert informasjon, sjå emneplanen for det einskilde emnet.
Gjennom programmet vert studentane prøvd på ulike måtar, eksempelvis ved mappevurdering, skoleeksamen, rettleidd oppgåve og munnleg prøve.
For meir detaljert informasjon, sjå emneplanen for det einskilde emnet.
Ved sensur kan det blinytta ein av to karakterskalaer:
1) Karakterskala A-F
2) Bestått/ikkje bestått
For meir detaljert informasjon, sjå emneplanen for det einskilde emnet.
Institutt for lingvistiske, litterære og estetiske studium
E-post: studierettleiar@lle.uib.no