Digital kultur set fokus på sosiale, kulturelle og estetiske aspekt ved informasjons- og kommunikasjonsteknologi, og på samspelet mellom kultur, samfunn og teknologi.

Masterprogrammet i Digital kultur har som mål å gi studentane ei brei og grundig innføring i aktuelle problemstillingar, metodar og vitskaplege arbeidsteknikkar i IKT og humaniora. Mastergradsstudiet i Digital kultur inneheld fleire hovudretningar, som alle kan kombinera teoretiske, metodiske og teknologiutviklande perspektiv. Faget føreset både praktisk dugleik og analytiske og kreative evner.

Mastergradsstudiet i Digital kultur er eit fulltidsstudium over fire semester, tilsvarande 120 studiepoeng. Studiet består av ein kursdel på 60 studiepoeng og ei masteroppgåve på 60 studiepoeng. Minst 30 studiepoeng av kursdelen skal vere emne frå digital kultur.

Masteroppgåva skal vere eit resultat av ei sjølvstendig utforsking av ein relevant problemstilling i digital kultur. Den kan kombinere teoretiske, metodiske og teknologiutviklande perspektiv. Eit vellukka arbeid krev praktisk kompetanse i tillegg til analytiske og kreative evner. Tema for oppgåva vel du i samråd med rettleiaren din. I prinsippet kan temaet for oppgåva veljast fritt i samråd med rettleiaren innanfor dei totale rammene til faget og ut frå eigne interesser og faglege føresetnader. Det er elles høve til å knyte oppgåva til konkrete behov i ulike institusjonar eller verksemder.

Ein kandidat med mastergrad i digital kultur frå Det humanistiske fakultet ved Universitetet i Bergen skal kunne:

• ha brei generell kunnskap innan digital kultur, inkludert kunnskap om sentrale digitale verktøy
• ha inngåande kunnskap på sitt spesialfelt (masteroppgåva)
• ha grunnleggjande kunnskap om vitskapelig teori, metode og forskingsetikk innan digital kultur
• ha kunnskap om aktuelle spørsmål og problemstillingar som informasjons- og kommunikasjonsteknologi reiser i forhold til samfunn, kunst og kultur
• tileigne seg og gjere seg nytte av kunnskap på nye område innanfor fagområdet digital kultur

Kandidaten skal:

• kunne arbeide sjølvstendig med problemløysing på grunnlag av faglege kunnskapar
• kunne kritisk granske eksisterande teoriar, metodar og fortolkingar som høyrer til fagområdet digital kultur
• kunne nytte akademisk kunnskap og relevante forskingsresultat om digital kultur på ein kritisk måte
• kunne bruke relevante faglege verktøy og kommunikasjonsformer innan digital kultur på ein sjølvstendig måte
• kunne gjennomføre eit avgrensa forsknings- eller utviklingsprosjekt under rettleiing og i tråd med gjeldande forskningsetiske normer

Kandidaten skal:

• kunne nytte eigen kunnskap på nye område
• på sjølvstendig grunnlag kunne fortsetje si eiga kompetanseutvikling og spesialisering
• kunne kommunisere om faglege problemstillingar og analyser innan digital kultur, både med spesialistar og til allmenta
• kunne ta del i den offentlege debatten der denne involverer tema frå digital kultur

Masterstudiet byggjer på ein bachelorgrad med spesialisering i digital kultur (tidlegare humanistisk informatikk).

For søkjarar utan spesialisering i digital kultur kan følgjande kvalifisere for opptak:

• minst 60 studiepoeng i digital kultur eller tilsvarande studium innan teknologifag med basis i humaniora eller samfunnsfag, f.eks BA i Digitale medium (UiO), BA i nye medium og BA i informasjons- og kommunikasjonstekonologi (IKT) ved Medie- og informasjonsvitskap (UiB) eller Media, IKT og design (studieretning medieproduksjon, Høgskulen i Volda) eller tilsvarande studium frå utanlandske universitet
• samt 30 studiepoeng i tillegg som er relevante for masterstudiet
• tilleggssøknad (500-700 ord) som gjer greie for relevant fagleg bakgrunn og kompetanse

Søkjarane vurderast individuelt av fagmiljøet.

Søkjarar utan ei godkjend spesialisering i digital kultur kan måtte ta enkeltemne frå bachelornivået i digital kultur før dei kan takast opp til masterprogrammet. For at interesserte søkjarar skal få tilbakemelding om dette i god tid, må dei søkje om å få vurdert opptaksgrunnlaget sitt så tidleg som mogleg. Søknad om dette kan sendast Det humanistiske fakultet innan 15. mars (for opptak til høsten) eller 1. oktober (for eventuelt suppleringopptak til våren).

DIKULT301 - Metodar og mastergradsprosjekt i digital kultur (15 sp, haust)

DIKULT302 - Sentrale teoriar i digital kultur (15 sp, haust)

DIKULT350 - Masteroppgåve i digital kultur (60 sp)

DIKULT303 - Digital medieestetikk (15 sp, vår)

DIKULT304 - Seminaremne i digital kultur (15 sp, vår)

DIKULT305 - Praksisprosjekt i digital kultur (15 sp, vår)

Som ordinær del av masterstudiet kan studentane dessutan velje:

INFO352: Samtidige og historiske perspektiv på pedagogisk informasjonsteknologi (15 sp)

INFO361 Menneske-maskin interaksjon (15 sp)

(Emna blir gitt av institutt for informasjons- og medievitenskap.)

DASP303 Datalingvistisk modellering (15 sp)

(Emnet blir gitt av institutt for lingvistiske, litterære og estetiske studium)

Det er òg mogeleg å ta valemne ved andre universitet.

Sjå informasjon om ´delstudium i utlandet´.

Det er tilrådd at kandidatane tar kursdelen det første året. Det obligatoriske emnet DIKULT301 bør, om mogleg, takast i det første semesteret. Hovuddelen av arbeidet med masteroppgåva (DIKULT350) vil normalt utgjere det siste året av studiet.

Ein mastergrad i digital kultur kan til dømes sjå slik ut:

1. semester (haust):

DIKULT301 - Metodar og mastergradsprosjekt i digital kultur (obligatorisk, 15 sp)

DIKULT302 - Sentrale teoriar i digital kultur (15 sp, haust)

2. semester (vår):

DIKULT303 - Digital medieestetikk (15 sp)

DIKULT304 - Seminaremne i digital kultur (15 sp) eller

DIKULT305 - Praksisprosjekt (15 sp)

3. og 4. semester:

DIKULT350 - Masteroppgåve i digital kultur (obligatorisk, 60 sp)

Det er mogeleg å ta delar av studiet i utlandet. Digital kultur vil spesielt tilrå utveksling gjennom Nordplus Nordic Digital Culture Network, som opner for delstudium i:

• Literature, Culture, and Digital Media, Blekinge Tekniska Högskola i Sverige
• Digital Culture, University of Jyväskylä, Finland
• Digital Design and Communication, og Media Technology and Games, IT Universitetet i København

Nærare informasjon hos studierettleiar.

Masterprogrammet blir kontinuerleg evaluert av programsensor, i tråd med retningslinene for kvalitetssikring ved UiB.

Evaluering av enkeltemne som inngår i kursdelen, er omtalt i emneomtalen.

Institutt for lingvistiske, litterære og estetiske studium

Kontakt: studierettleiar@lle.uib.no