Emner: GRE202 Gresk: Attisk drama - Høst 2011




Studienivå (studiesyklus)

Bachelor

Undervisningsspråk

Norsk

Undervisningssemester

Undervisninga blir normalt gitt i vårsemesteret.

Undervisningsstad

Bergen

Mål og innhald

Emnet omfattar lesing av attiske dramatekstar, tragedie og/eller komedie, på originalspråket. Dessutan skal tre tragediar og ein komedie studerast i omsetjing. Tema frå moderne resepsjon av det greske dramaet kan óg inngå i studiet. Det blir vidare gitt ei innføring i filologiens historie, med serleg vekt på verksemda til Aleksandria-filologane.

Læringsutbyte

Studentane skal få større innsikt i det som særmerker det greske dramaet, og den kunnskapen om dialektlære, metrikk og litteratur- og religionshistorie som er ein føresetnad for at ein skal kunne verdsette denne litteraturgenren på originalspråket.

Krav til forkunnskapar

Ingen.

Tilrådde forkunnskapar

Som forkunnskapar i gresk rår ein til at studenten har avlagt eksamen i minst 3 av greskemna på 100-nivå.

Krav til studierett

Emnet er ope for alle med studierett ved Universitetet i Bergen.

Denne eksamenen er open for personar utan studierett, etter søknad til Utdanningsavdelinga. Se UHL §3-10)

Undervisningsformer og omfang av organisert undervisning

Førelesingar over delar av pensumtekstane og andre moment i pensum.

Ein dobbelttime i veka.

Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mi Side. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september.

Obligatorisk undervisningsaktivitet

Ingen.

Vurderingsformer

Eksamen består av ei skriftleg prøve på seks timar, med omsetjing og litterær interpretasjon av valde delar av pensumtekstane (med ordbok), og spørsmål om metrikk, dialektlære og andre delar av pensum.

Karakterskala

Karakterskala A-F.

Litteraturliste

Pensum er på til saman omlag 75 sider gresk dramatekst (30 liner = 1 side), lesne i kommenterte utgåver. Dessutan inngår oversiktlege framstellingar av filologiens historie, ev. også resepsjonshistorie, og relevante delar av meir avanserte framstellingar av gresk litteratur- og religionshistorie, metrikk og språkhistorie.

Emneevaluering

Evaluering av tilbodet vert gjennomført i tråd med UiBs kvalitetssikringssystem.

Kontaktinformasjon

Institutt for lingvistiske, litterære og estetiske studium

E-post: studierettleiar@lle.uib.no