Bachelor
Norsk
Studenten skal gjennom studiet tileigna seg eit oversyn over historia til og gode kunnskapar om hinduisme og buddhisme, og kunnskapar om historia og særtrekk til dei andre religionane. Studenten skal også studere eit utval tekster knytt til hinduismen og buddhismen.
Emnet gjev ei innføring til hinduismen, buddhismen, sikhismen, jainismen og zoroastrismen, samt kinesiske og japanske religionar. Særleg vekt er lagt på hinduismen og buddhismen.
RELV103 er ein obligatorisk del av bachelorstudiet og årsstudiet i religionsvitskap.
Ved fullført studium har studenten oppnådd følgjande:
Kunnskapar
Kunnskap om opphav, utvikling og variasjon innanfor hinduismen, buddhismen, sikhismen, jainismen og zoroastrismen, samt kinesiske og japanske religionar, innsikt om sentrale idear, omgrep og ritar innanfor desse religionane, samt om deira gjensidige påverknader og brytningar og deira samspel med kulturen elles.
Kunnskap om sentrale tema og problemstellingar innanfor studiet av desse religionane, samt om grunnleggjande forskingsperspektiv og -omgrep.
Ferdigheiter
Evne til å setje seg inn i eit variert tekstmateriale på både norsk og engelsk, kunne behandle og vurdere informasjon kritisk, analysere fagstoff og dra eigne slutningar, samt evne til å kunne skrive ei resonnerande tekst.
Generell kompetanse
Røynsle med å kunne planleggje og gjennomføre arbeidsoppgåver som strekkjer seg over tid, samt med å tolke og presentere informasjon.
Ingen
Ingen
Eksamen består av ei skriftleg prøve på seks timar. Prøva består av eit essay og 10 spørsmål som skal svarast på kort. Begge eksamensdelane må vere bestått. På kvart spørsmål er det mogleg å få 0, ½ eller 1 poeng, og for å bestå denne delen av eksamen må kandidaten ha minst 5 poeng.
Spørsmålsdelen tel 20% og essaydelen 80%. Den samla karakteren på delane vert endeleg karakter på RELV103.
Eksamen vert avvikla i kvart semester. Eksamen er open for studentar utan studierett etter søknad til Studieadministrativ avdeling.
Karakter vert gjeve etter gradert karakterskala frå A til F på både spørsmålsdelen og essaydelen, der F er stryk.
I samband med instituttet sitt kontinuerlege arbeid for å forbetre studiet vert det jamleg organisert studentevaluering av studieopplegg og undervisning, med tilbakemelding til studentane. Evalueringsresultata vil liggje til grunn for revisjonar av studieplanar, pensum og studie-/undervisningsopplegg.
Institutt for arkeologi, historie, kultur- og religionsvitskap (AHKR)