Emner: RELVI250 Bacheloroppgave i systematisk religionsvitenskap - Høst 2011

Studienivå (studiesyklus)

Bachelor

Undervisningsspråk

Norsk

Undervisningssemester

Vår

Undervisningsstad

Bergen

Mål og innhald

Studenten skal få kjennskap til psykologiske og sosialvitskaplege tilnærmingar til religionsforskinga (religionspsykologi, religionssosiologi, religionsantropologi) og utvikle sin kjennskap til samanliknande religionsvitskap. Studenten skal skrive ei samanliknande oppgåve basert på ei problemstilling, som kombinerer teoretiske spørsmål og empiri frå forskjellege religiøse tradisjonar.

RELVI250 er ein obligatorisk del av spesialiseringa i religionsvitskap.

Læringsutbyte

Kunnskapar

Ved fullført emne skal studenten

- ha kjennskap til sosialvitskaplige forståingar av religion

- ha kunnskap om sentrale omgrep innafor religionsforsking

- ha kjennskap til fagets viktigaste oppslagsverk, leiande tidsskrift og andre forskingsresursar

Ferdigheiter

Ved fullført emne skal studenten

- kunne behandle religiøse fenomen på ein systematisk måte

- kunne vurdere likskapar og ulikskapar i religiøse fenomen på tvers av fleire religionar

- kunne kombinere teoretisk innsikt og empirisk kunnskap

- kunne søke, behandle og vurdere informasjon kritisk

Generell kompetanse

Ved fullført emne skal studenten

kunne planlegge og gjennomføre arbeidsoppgåver om nye tema

kunne utføre prosjektbasert arbeid

kunne arbeide både sjølvstendig og som deltakar i ei gruppe

kunne behandle store mengder informasjon og litteratur innafor avgrensa tid

Krav til forkunnskapar

Førstesemesterstudiet skal vere avlagt. Studentane skal ha tatt RELV101 samt to andre emne i religionsvitskap tilsvarande 30 studiepoeng.

Tilrådde forkunnskapar

Studenten bør ha gode engelskkunnskapar ettersom ein stor del av pensumlitteraturen er på engelsk.

Undervisningsformer og omfang av organisert undervisning

Normalt 10-14 forelesingar à to timar, framleggseminar og UB-kurs. Tilbod om rettleiing av semesteroppgåve.

Obligatorisk undervisningsaktivitet

1. Deltaking ved to kurs som blir arrangert av UB: kursa gir mellom anna ei praktisk innføring i:

(a) Informasjonssøk, og bruk av ressursar knytta til oppgåveskriving;

(b) Kjeldekritikk, sitering og etikk ved oppgåveskriving.

2. Munnleg presentasjon av fyrste utkast til oppgåva på eit symposium som vert arrangert 3-4 veker før innlevering. Presentasjonen skal vere på 20-25 minutt og ein skal nytte powerpoint eller dele ut støtteark.

3. Tre timar breiddetest midt i semesteret som må vere godkjend for å få ta eksamen i RELVI250. Breiddetesten består av 8 spørsmål knytt til ulike delar av fellespensum. På kvart spørsmål er det mogleg å få 0, 1/2 eller 1 poeng, og for å bestå denne delen av eksamen må kandidaten ha minst 4 poeng.

Alle obligatoriske aktivitetar må gjennomførast i same semester. Obligatoriske krav er gyldige i to semester etter det undervisningssemestret dei vart godkjende.

Vurderingsformer

Eksamen består av ei bacheloroppgåve. Bacheloroppgåva skal på ein komparativ måte kaste lys over eit grunnleggjande religionshistorisk/religionsvitskapleg problem, fenomen eller omgrep. Semesteroppgåva skal ha eit omfang på om lag 5000-7000 ord.

Karakterskala

I vurderinga av semesteroppgåva vert det nytta ein gradert karakterskala frå A til F, der F er ikkje bestått. Obligatoriske aktivitetar må vere bestått for å gå opp til eksamen.

Litteraturliste

Pensum omfattar 1200-1500 sider, der 300-500 sider er sjølvvalde i samband med bacheloroppgåva og om lag 700 sider er fellespensum utarbeidd av instituttet. Undervisning og eksamen baserer seg på denne litteraturen.

Emneevaluering

I samband med instituttet sitt kontinuerlege arbeid for å forbetra studiet vert det regelmessig organisert studentevaluering av studieopplegg og undervisning, med tilbakemelding til studentane. Evalueringsresultata vil ligga til grunn for revisjonar av studieplanar, pensum og studie-/undervisningsopplegg.

Kontaktinformasjon

studieveileder@ahkr.uib.no

Institutt

Institutt for arkeologi, historie, kultur- og religionsvitskap (AHKR)