Bachelor

Norsk

Vår

Studenten skal få kjennskap til psykologiske og sosialvitskaplege tilnærmingar til religionsforskinga (religionspsykologi, religionssosiologi, religionsantropologi) og utvikla sin kjennskap til sentrale religionsvitskaplege omgrep og fenomen. Studenten skal på ein sjølvstendig måte utvikla og drøfta ei problemstilling, som på ein systematisk måte kombinerer teoretiske spørsmål og empiri. Studenten skal verte aktiv kjent med fagets viktigaste oppslagsverk, leiande tidskrift og andre forskingsressursar og på ein teknisk og etisk forsvarleg måte kunne finna og bruka relevant forskingslitteratur. Studenten skal kunne presentera og diskutera resultata av sitt arbeid på ein klar og overbevisande måte.

Systematisk religionsvitskap bind empiriske og teoretiske tilnærmingar til religionsforsking saman. Systematisk religionsvitskap er komparativ og problemfokusert, og legg vekt på refleksjon over sentrale omgrep. RELVI250 er ein obligatorisk del av spesialiseringa i religionsvitskap.

Kunnskapar

Ved fullført emne skal studenten

ha kjennskap til sosialvitskaplige forståingar av religion
ha kunnskap om sentrale omgrep innafor religionsforsking
ha kjennskap til fagets viktigaste oppslagsverk, leiande tidskrift og andre forskingsressursar

Ferdigheiter

Ved fullført emne skal studenten

kunne behandle religiøse fenomen på en systematisk måte
kunne sjå på likskapar og ulikskapar i religiøse fenomen på tvers av fleire religionar
skrive en sjølvstendig oppgåve som kombinerer teoretiske og empirisk innsikt
kunne skrive om religiøse fenomen frå ulike tradisjonar og kulturar på en resonnerande og samanhengjande måte
kunne søkje, behandle og vurdere informasjon kritisk
kunne finne relevant fagleg informasjon om nye tema
beherske teknikkar og normer for fagleg dokumentasjon
presentere eigne prosjekt med hjelp av presentasjonsverktøy
kunne kritisk og konstruktiv ta stilling til løypande prosjekt

Generell kompetanse

Ved fullført emne skal studenten

kunne planleggje og gjennomføre arbeidsoppgåver om nye tema
kunne utføre prosjektbasert arbeid
kunne arbeide både sjølvstendig og som deltakar i ei gruppe
kunne formidle prosjekt
kunne behandle store mengder informasjon og litteratur innafor kort tid
kunne kommunisere om faglege tema innafor eit fagfellesskap

Studenten bør ha gode engelskkunnskapar ettersom ein stor del av pensumlitteraturen er på engelsk.

Normalt 12 forelesingar à to timar, 6 arbeidsseminar, 2 symposium, UB-kurs.

1. Deltaking ved to kurs som blir arrangert av UB: kursa gir mellom anna ei praktisk innføring i:
   (a) Informasjonssøk, og bruk av ressursar knytta til oppgåveskriving;
   (b) Kjeldekritikk, sitering og etikk ved oppgåveskriving.
   
2. Munnleg presentasjon av fyrste utkast til oppgåva på eit symposium som vert arrangert av seksjonen cirka 3-4 veker før innlevering. Presentasjonen tek 20-25 minutt og ein skal nytta støtteark eller Power Point.
   
3. Aktiv deltaking i arbeidsseminar.
   
4. Deltaking på ein breiddetest som må vera godkjent for å få ta eksamen i RELVI250. Breiddetesten består av 6 spørsmål knytt til ulike delar av fellespensum. På kvart spørsmål er det mogleg å få 0, 1/2 eller 1 poeng, og for å bestå denne delen av eksamen må kandidaten ha minst 3 poeng.

Alle obligatoriske aktivitetar må gjennomførast i same semester. Obligatoriske krav er gyldige i to semester etter det undervisningssemestret dei vart godkjende.

I vurderinga av essayet vert det nytta ein gradert karakterskala frå A til F, der F er ikkje bestått. Obligatoriske aktivitetar må vera bestått for å gå opp til eksamen.

I samband med instituttet sitt kontinuerlege arbeid for å forbetra studiet vert det regelmessig organisert studentevaluering av studieopplegg og undervisning, med tilbakemelding til studentane. Evalueringsresultata vil ligga til grunn for revisjonar av studieplanar, pensum og studie-/undervisningsopplegg.

Institutt for arkeologi, historie, kultur- og religionsvitskap (AHKR)