Emner: DASP307 Språkvitenskapelig skriving for master- og PhD-studenter - Høst 2011
Studienivå (studiesyklus)
Master og ph.d.
Undervisningsspråk
Engelsk ved behov.
Undervisningssemester
Vår
Undervisningsstad
Bergen
Mål og innhald
Ut frå tekstteori, argumentasjonsanalyse og sjangeranalyse, gir kurset ei innføring i oppbygging og språkbruk i lingvistiske og datalingvistiske artiklar skrivne på norsk og på engelsk. Vidare omtalar kurset bruk og oppsett av referansar, val av tittel, og samandrag. Kurset legg vekt på lingvistisk terminologi og kurant vitskapleg språkbruk i lingvistiske fag. Kurset sitt innhald inkluderer også effektiv bruk og grafisk framstilling av spesielle tekstelement med særleg relevans for lingvistiske fag, m.a. lingvistiske eksempel med omsetjingar og gloser, flytediagram (flowcharts), dataframstilling i tabellar, trestrukturar, grafisk output frå statistisk programvare, f.eks. SPSS, fonetisk skrift og framande alfabet, dataprogram og matematiske formlar.
Språkvitskapleg skriving er retta mot master- og ph.d. -studentar innan lingvistikk, datalingvistikk og språkfaga.
Læringsutbyte
Studentane skal tileigne seg ein skrivemåte som passar til vitskapelege artiklar, masteroppgåver og ph.d -avhandlingar etter tekstteoretiske prinsipp og skrivetradisjonen i lingvistiske fag. Læringsmåla inkluderer både kunnskapar om tekstteori, sjanger, språkbruk og argumentasjon, og dugleik m.o.t. tekstoppbygging og grafisk framstilling.
Krav til forkunnskapar
Startgrunnlaget er opptak som master- eller ph.d -student.
Krav til studierett
Krav om gyldig studierett på masterprogrammet i datalingvistikk og språkteknologi eller masterprogrammet i lingvistikk ved UiB.
Undervisningsformer og omfang av organisert undervisning
Undervisning blir gitt i form av førelesingar, diskusjonsseminar og praktiske øvingar. Studentane skal:
- analysere tekstar og skilje mellom passande og mindre passande oppbygging, språkbruk, argumentasjon og visuell framstilling
- korrigere problematisk språkbruk og lingvistisk terminologi (norsk og engelsk) i utkast til tekstar
- lage ein større tekststruktur og bygge opp ein argumentasjon ut frå ei språkvitskapleg problemstilling.
- velje ein tittel og lage eit samandrag for ein språkvitskapleg tekst
Studentane skal på ein effektiv måte framstille og bruke følgjande element i argumentasjonen:
- lingvistiske eksempel med gloser og omsetjingar
- formlar og tabellar
- trestrukturar, flytediagram og andre figurar
- dataprogram og lister
- fonetisk skrift og framande alfabet
Om lag 2 timar pr. veke.
Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mi Side. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september.
Obligatorisk undervisningsaktivitet
For å ha rett til å levere eksamensarbeid skal kvar student på seminaret presentere sitt eige opplegg for / utkast til ein artikkel, ei masteroppgåve eller avhandling. Presentasjonen skal skje i same semesteret som eksamensmeldinga.
Vurderingsformer
Studenten skal skrive ein individuell sjølvstendig tekst som eksamensarbeid. Arbeidet skal dokumentere at studenten har tileigna seg kunnskapar og dugleik i tråd med emnets målsettingar. Omfanget skal vere omlag 3000 ord.
Karakterskala
Bestått/ ikkje bestått.
Litteraturliste
Pensum omfattar litteratur innan vitskapleg retorikk og tekst og ei samling av representative språkvitskaplege tekstar. Vidare vert det brukt datamaskin og programvare som støttar opne format for tekstar og bibliografiar (t.d. LaTeX/BibTeX).
Emneevaluering
Evaluering av tilbodet vert gjennomført i tråd med UiBs kvalitetssikringssystem.
Kontaktinformasjon
Institutt for lingvistiske, litterære og estetiske studium
E-post: studierettleiar@lle.uib.no