Undervisninga startar i haustsemesteret (3. semester) og går over 2 semester.
Emnet inneheld to hovudkomponentar: musikkterapi i psykisk helsearbeid og musikkterapeutiske rollespill.
Musikkterapi i psykisk helsearbeid
Kurset gjev ei innføring i musikkterapi som helsefremmande og psykoterapeutisk arbeid innanfor psykisk helsevern, med hovudvekt på ressursorienterte tilnærmingar. Både individuell musikkterapi og gruppemusikkterapi, for barn/unge og for vaksne, blir vektlagt. Studietilbodet tar sikte på å gje ei innføring i ulike musikkterapeutisk metodar som blir brukt i arbeid med psykisk helse og skal kvalifisere studentane til ressursorientert musikkterapeutisk praksis innanfor psykisk helsevern.
Musikkterapeutiske rollespill
Kurset gjev ei praktisk og teoretisk fordyping knyttet til musikkterapeutiske metoder og arbeidsformer med eit bredt spekter av målgrupper. Gjennom musikkterapeutiske rollespill skal studenten få høve til å prøve seg både som klient og terapeut og gjennom dette å utforske relasjonar og arbeidsformar.
Gjennom arbeid med dei ulike delemna skal studenten utvikle den dugleiken og dei haldningar og kunnskapar som er nødvendige for utøving av klinisk musikkterapi. Emnet skal stimulere til personleg utvikling med vekt på refleksjon og samarbeid.
Opptak til masterprogrammet i musikkterapi. Gjennomføring av emnet MUTP 301.
Undervisninga vil i hovudsak skje på dagtid og blir lagt opp med varierte undervisningsformer med tanke på integrasjon av teoretisk og praktisk-metodisk kunnskapsstoff, og vil inkludere førelesingar, gruppearbeid, diskusjonar og dessutan ei verkstadsform med fokus på å tileigne seg, prøve ut, få rettleiing på og vidareutvikle praktisk-metodisk dugleik i klinisk musikkterapi.
Praksis kan skje både på dagtid, kveldstid og helger, eller i samband med framføringar, prosjekt, osb. Praksis vil ha kontinuerlig rettleiing. Det skal skrivast ein kort praksisrapport frå kvar praksisperiode.
Seminar med kommunikasjons- og relasjonserfaring og med BM GIM (The Bonny Method of Guided Imagery and Music) inngår i emnet.
All undervisning er obligatorisk og omfattar ulike kurs i klinisk musikkterapi (til saman 72 t), Kommunikasjons- og relasjonsseminar (14 t), BM GIM nivå I (35 t) og #Praksis (90 t). Det blir gitt munnlege og skriftlege oppgåver undervegs etter presisering i semesterplan. Ei praktisk-metodisk arbeidsbok skal utarbeidast. Det er ein føresetnad at alle obligatoriske aktivitetar er gjennomførte og godkjende før eksamen.,
# Praksis 1. og 2. semester er organisert som sjølvstendig praksis med rettleiing frå studiet. Studenten har sjølv ansvar for å finne praksisplass for andre år av masterprogrammet. Som hovudregel skal den sjølvstendige praksisen a) vere innan eit felt der studenten tidlegare har hatt ordinær praksis (på årsstudiet eller i første år av masterstudiet), og b) vere knytt til tema for masteroppgåva.
Eksamen omfattar ein praktisk-munnleg eksamen på 45 minutt i 4. semester. Eksamenssituasjonen har to hovudkomponentar: a) Klinisk rollespel med vekt på improvisasjon, b) Samtale der studenten reflekterer fagleg over rollespelet og prosessane i det. Det blir gjort ei heilskapleg vurdering av kandidaten, der dei to delane av eksamen tel likt.
Minst to sensorar kor ein skal vera ekstern. Vurderingsuttrykk: Bokstavkarakterar.