Studenten skal gjennom dette fordjupingsarbeidet utvikla eit sjølvstendig kunstnarleg uttrykk på høgt nivå.

Her legg instituttet til rette for at studenten får utvikla spesialiseringa si gjennom høveleg teoretisk og praktisk arbeid.

Studenten framstiller eit større verk eller fleire kortare verk eller satsar for offentleg framføring, anten med krefter frå instituttet eller med musikarar utanfrå. Lengd og kompleksitet vert avtalt med faglærar. I samband med arbeidet skal studenten setja seg inn i aktuelle problemstillingar, relevante verk og teknikkar. Når det er mogleg, skal studenten delta aktivt i innstuderinga.

Studenten skal gi ein munnleg presentasjon av dette arbeidet, til dømes i seminarform. Presentasjonen kan dreia seg om eige verk og produksjonsprosess, det kan vera ei utgreiing om relevant bakgrunnslitteratur og verkstudiar, teknikkar som er brukte, osb.

Obligatorisk undervisning:

Prosjektet vert rettleia av lærar i hovuddisiplinen, og vert til vanleg gjennomført i løpet av første semester.

Me føreset at studenten er teken opp til mastergradsprogrammet i komposisjon. Sjå avsnittet "opptaksgrunnlag" ovanfor.

• Munnleg prøve vert gjennomført som seminarpresentasjon, vanlegvis i løpet av tredje semester.
• Verkframføring. Nokre gonger vil denne framføringa av praktiske årsaker ikkje kunna skje samstundes som presentasjonen, eller i geografisk nærleik av han. Verket eller verka skal lydfestast.

Vurderinga vert gjort av minst to faglærarar. Karakterar: Greidd eller ikkje greidd.

Jamleg evaluering skjer i dialog mellom lærar i hovuddisiplinen og studenten. Denne evalueringa er basert på ein felles mal, og vert utarbeidd skriftleg.

Det vert også gjennomført evaluering av gruppeundervisning, prosjekt, og liknande, og det skjer i form av spørjeskjema. Ein rapport vert utarbeidd på bakgrunn av tilbakemeldingane.

Den faglege leiinga ved instituttet skal ha jamleg kontakt med fagutvalet til studentane.