Mastergradsoppgåva skal føra studenten fram mot eit høgt musikalsk nivå der originalitet og sjølvstende i kunstnarlege val står sentralt.
I dette emnet vert det arbeidd det med å integrera utøving eller komposisjon med refleksjon og relevant teori.
Denne delen av studiet går over alle fire semestra, og består av to komponentar:
Det skal vera klar samanheng mellom fordjupingsdelen og utøving eller komposisjon. Dette skal koma til uttrykk i eksamensarbeidet.
Fordjupinga må ha ein avgrensa og tydeleg definert problemstilling, som til dømes kan dreia seg om:
Studenten skal utarbeide ein prosjektbeskriving (3-5 sider) som skal føreligge innan første halvdel av andre semester. Denne skal innehalde ein foreløpig tittel, beskriving av emnet, problemstilling(er), avgrensing, metodisk tilnærming, kjeldeliste og dokumentasjonsform. Prosjektbeskrivinga må godkjennas av veiledar for fordjupingsemne og studieansvarleg.
Arbeidet skal dokumenterast i arkiverbar form, til dømes som:
Dersom konsertføredrag vert brukt som dokumentasjonsform, skal det utarbeidast ei kort skriftleg utgreiing på fem til ti sider om arbeidsprosessen.
Det skal gjerast lyd- og videoopptak av føredraget. Arbeidet skal leverast to månader før sluttkonserten. Sjå nedanfor under avsnittet om eksamen.
Arbeidet med masteroppgåva inneber både for utøvarar og komponistar eit kontinuerlig arbeid med innstudering eller komponering av eit omfattande og krevjande repertoar, der studenten legg særskild vinn på å utvikla sin eigen kunstnarlege profil. Lengd og omfang vert avtalt med lærar i hovuddisiplinen og eventuelt med akkompagnatør. Dette arbeidet bør i så stor grad som råd er framførast på konsert eller spelast inn.
Obligatorisk undervisning
Alt frå byrjinga av studiet får studenten individuell rettleiing i fordjupingsdelen og i hovuddisiplinen, det vil seia song, instrument eller komposisjon. Rettleiinga er regulert ved standardavtale. Instituttet oppnemnar rettleiar og akkompagnatør etter ei vurdering der det mellom anna vert teke omsyn til den faglege profilen som den enkelte studenten har.
I tillegg vil det bli gitt felles undervisning i form av obligatoriske seminar og meisterklasser gjennom alle fire semestra. Der er også obligatorisk krav om medvirkning i instituttets fellesprosjekt og ensembler der besetningen krev det.
Me føreset at studenten er teken opp til mastergradsprogrammet i utøving eller komposisjon. Sjå avsnittet "opptaksgrunnlag" ovanfor.
Emna musikalsk teori og praksis I-II, offentleg konsert I og II må vera gjennomførte og greidde. For komponistar: Fullført fordjupingsemne I og II i staden for offentleg konsert I og II.
Eksamen består av to delar:
Masteroppgåva vert vurdert og vekta slik at fordjupinga tel éin tredel og utøving eller komposisjon to tredelar.
Programmet skal avspegla den kunstnarlege profilen til studenten og arbeidet med fordjupingsdelen. Både solistiske og kammermusikalske innslag kan vera med i programmet.
For utøvarar gjeld følgjande:
Sluttkonserten skal til vanleg vera på omlag 70 minuttar.
For komponistar gjeld følgjande:
Dei skal leggja fram komposisjonar som er skrivne i løpet av studietida. Desse verka skal strekkja seg over minst 45 minuttar, og presenterast i partitur, eller liknande, og dessutan med lydopptak. I tilknyting til eksamen skal det gjennomførast ein konsert der studenten presenterer fordjupinga si og den kunstnarlege profilen sin.
Jamleg evaluering skjer i dialog mellom lærar i hovuddisiplinen og studenten, og eventuelt også med akkompagnatør. Denne evalueringa er basert på ein felles mal, og vert utarbeidd skriftleg. Det vert også gjennomført evaluering av gruppeundervisning, prosjekt, og liknande, og det skjer i form av spørjeskjema. Ein rapport vert utarbeidd på bakgrunn av tilbakemeldingane.
Den faglege leiinga ved instituttet skal ha jamleg kontakt med fagutvalet til studentane.