Undervisninga startar i vårsemesteret (2. semester i normalprogresjonen).

Emnet gjev ein introduksjon til musikkterapi, med eit overblikk over fag og praksisfelt. Emnet inneheld tre hovudkomponentar: Innføring i musikkterapeutisk teori og metode, Innføring i sentrale arbeidsfelt og praksistradisjonar i musikkterapien, og Eigenerfaring med musikkterapeutiske arbeidsmåtar.

Innføring i musikkterapeutisk teori og metode

Kurset gjev ei innføring i ulike praksistradisjonar, grunnleggjande omgrep, teoriar og forskingstradisjonar i musikkterapifaget, i eit historisk og systematisk perspektiv.

Innføring i sentrale arbeidsfelt i musikkterapien

Kurset gjev ei innføring i sentrale arbeidsfelt i musikkterapien, som musikkterapi i pedagogiske kontekstar, musikkterapi som psykisk helsearbeid, musikkterapi i habilitering og rehabilitering, musikkterapi i medisinske kontekstar, og musikkterapi som førebyggjande og helsefremmande arbeid i lokalsamfunnet. Sentrale trekk ved musikkterapeutiske arbeidsprosessar og nokre av dei mest vanlege arbeidsmåtar, målgrupper og målområde blir også gjennomgått.

Eigenerfaring med musikkterapeutiske arbeidsmåtar

Kurset gjev studentane høve til å erfare nokre av dei mest vanleg aktivitetsformene og arbeidsmåtane i musikkterapien, slik som musikklytting, musikalsk samspel, musikk og rørsle, improvisasjon og lydleikar, songskriving og verbal refleksjon.

Læringsmål

Etter fullført kurs er det forventa at studentane har tilegna seg ein elementær kunnskap om kva musikkterapi er og korleis musikkterapi blir praktisert, med kva målgrupper og i kva samanhengar. Det er vidare forventa at studenten skal ha forståing av musikkterapi i historisk og kulturell kontekst, skal kjenne til dei sentrale teoriane og forskingsmetodane på fagområde og dessutan ha eigenerfart forståing av nokre av dei mest sentrale arbeidsmåtane i musikkterapeutisk praksis.

Grunnleggjande bruksmusikalsk dugleik og kunnskapar i musikkteori.

Dette emnet er ope også for studentar som ikkje er tatt opp til det integrerte masterprogrammet i musikkterapi. Av omsyn til dei erfaringsbaserte arbeidsformene som kurset inneheld, blir det sett eit tak på tal studentar.

Undervisninga vil inkludere førelesingar, gruppeoppgåver, videoobservasjonar og eigenerfaringskomponentar. Arbeid med emnet krev evne til sjølvstendig tilegning av pensumlitteratur og evne til munnleg og skriftleg drøfting og analyse av praksiserfaringar i lys av pensumlitteraturen. Som førebuing til eksamen blir disse dugleikane oppøvde gjennom diskusjonar, studentpresentasjonar, skriftlige oppgåver og heimearbeid.

All undervisning er obligatorisk og omfattar Innføring i musikkterapeutisk teori og metode, Innføring i sentrale arbeidsfelt og praksistradisjonar i musikkterapien og Eigenerfaring med musikkterapeutiske arbeidsmåtar. Det blir gitt munnlege og skriftlege oppgåver undervegs i semesteret. Det er ein føresetnad at alle obligatoriske aktivitetar er gjennomførte og godkjende før eksamen. Fråvær på meir enn 20 % fører normalt til tap av eksamensrett.

5 timars individuell skriftleg eksamen.

Minst to sensorar kor ein skal vera ekstern. Vurderingsuttrykk: Bokstavkarakterar.

Pensum er på ca. 1000 sider. Eiga pensumliste blir utarbeidd.

Det blir gjennomført evaluering i form av spørjeskjema. Ein skriftleg rapport blir utarbeidd.