Emnet omhandlar sentrale teoriar frå fagfeltet digital kultur. Teoriar er dei analytiske reiskapa som forskaren brukar for å observere, fortolke og skildre verda. Dei set forskningsobjektet inn i ein fagleg kontekst og gjer det tilgjengeleg for analyse og tolking. Målet med DIKULT302 er å gi studentane ei djupare forståing av korleis forholdet mellom menneske, teknologi og samfunn har blitt teoretisert innan fagfeltet. Gjennom forelesingar og eige arbeid skal studentane lære å vurdere og bruke sentrale teoriar i masterstudiet sitt.

Vi rår til at DIKULT302 blir tatt i første semester av mastergradsstudiet (haust) saman med DIKULT301: Metodar og mastergradsprosjekt i Digital kultur.

Etter å ha tatt emnet skal studenten ha:

• oversikt over sentrale teoriar og teoretikarar innan fagfeltet digital kultur
• forståing for den rolla teoriar spelar i forsking
• djupnekunnskap i eit utval sentrale teoriar

Etter å ha tatt emnet skal studenten kunne:

• vurdere og evaluere ein teori
• vurdere og samanlikne ulike teoriar
• på eiga hand velje ut teoriar som vil vere nyttige i arbeidet med masteroppgåva og andre forskingsprosjekt

Studentane skal lage ein annotert bibliografi over sentrale tekstar som blir drøfta i undervisninga. Bibliografien må vere vurdert som godkjent av emneansvarleg for at studenten skal få tilgang til å gå opp til eksamen.

For å kunne gå opp til eksamen krevst det at studenten har delteke i minst 75 prosent av undervisninga og i dei aktivitetane som undervisninga femner om. Kursdeltakinga blir godkjend av emneansvarleg.

Karakterskala A - F.

Institutt for lingvistiske, litterære og estetiske studium

E-post: studierettleiar@lle.uib.no