Emner: KUN255 Arkitektur med bacheloroppgave - Høst 2011
Studiepoeng
15.0Studienivå (studiesyklus)
Bachelor
Undervisningsspråk
Norsk
Undervisningssemester
Haust
Undervisningsstad
Bergen.
Mål og innhald
Emnet tar opp sentrale tema frå stadutvikling og arkitekturhistorie, arkitekturteori og -praksis i perioden frå 1900 til i dag. Søkelyset vert retta mot spørsmål kring arkitekturen si rolle i ein utvida samfunnskontekst, og problem knytte til forvaltning og vern av arkitekturarven.
Emnet skal gi studenten kunnskap om nyare arkitektur i eit regionalt, lokalt og internasjonalt perspektiv, samt kjennskap til verneteoretiske utfordringar.
Læringsutbyte
Studiet gir kompetanse som omfattar dokumentasjon, analyse og vurdering av arkitektur som del av ein meir omfattande kulturarv. Gjennom konkrete døme tar emnet opp tema som er nyttige for arbeid innan museumsvesen, offentleg forvaltning og undervisning. Studiet er òg relevant for arkitektstudentar. Emnet er særs godt eigna i kombinasjon med andre estetiske fag og kulturfag.
Krav til forkunnskapar
Ingen.
Tilrådde forkunnskapar
KUN110 og emne tilsvarande eit årsstudium i kunsthistorie, inkludert KUN116: Arkitekturhistorie
Krav til studierett
Undervisningsformer og omfang av organisert undervisning
Undervisinga vert gitt i form av førelesingar, seminar og utflukt/byvandring.
Om del melder seg færre enn fem studentar til eit emne, kan instituttet innføre redusert undervisning, jamfør instituttets retningslinjer for dette på Mi Side. På emne der dette kan vere aktuelt vil studentane får informasjon om det ved semesterstart, og før semesterregistreringsfrista 1. februar / 1. september.
Obligatorisk undervisningsaktivitet
Det er obligatorisk å levere bacheloroppgåva til rettleiing to gonger i løpet av semesteret til oppsette fristar. Fristane er endelege og vert publiserte på Mi Side. Namneliste med individuelle rettleiingstidspunkt vert publisert på Mi Side ein av dei første dagane etter innleveringane.
Vurderingsformer
Eksamen er ei rettleidd skriftleg oppgåve med tema frå kurset det gjeldande semesteret. Pensum danar grunnlag for oppgåvearbeidet, men studenten kan nytte eige kjeldemateriale i tillegg. Det ferdige arbeidet skal ha eit omfang på om lag 15 maskinskrivne sider med 1 1/2 linjeavstand og 12 punkt skrift (Times el.l. skrifttype).
Karakterskala
Karakterskala A-F
Litteraturliste
Pensum er på om lag 1000 sider
Emneevaluering
Evaluering av tilbodet vert gjennomført i tråd med Universitetet i Bergen sitt kvalitetssikringssystem.
Kontaktinformasjon
Institutt for lingvistiske, litterære og estetiske studium
E-post: studierettleiar@lle.uib.no