Studentane skal trenast i å forstå samfunnsplanlegging i lys av globalisering og kompleksitet forårsaka av samspelet mellom lokale og globale prosessar.

Kurset gir ei innføring og fordjuping i nyare planleggingsteori. Det vert lagt særleg vekt på å få fram kva respons lokal og regional samfunnsplanlegging møter og kan møte den global flyten av idear, kapital og menneske med. Ei sentral problemstilling i kurset er kva det vil seie å planlegge innanfor romleg kompleksitet. Kurset vektlegg såleis korleis ulike geografiske nivå spelar inn i lokale og regionale planleggingsprosessar, så vel som korleis teoretiske prinsipp om medverknad verkar og blir praktisert på ulike geografiske nivå. Det blir lagt særleg vekt på å forstå korleis nye former for planlegging, slik som "governance", entreprenørpolitikk, nabolagsstrategiear, stadsutviking, nyregionalisme og "new urbanism" samspelar med politiske og ideologiske tilhøve, det økonomiske, det sosiale og materielle tilhøve. Byplanlegging, samferdsel, næringsplanlegging, planleggingsstrategiar for regional utvikling og stadsutvikling vil blinærare drøfta og modellar blir sett ut i livet. I undervisinga blir det lagt vekt på å eksemplifisere og å dikutere ulike praktiske og teoretiske tilnærmingar innan planlegging i lys av kontekstuelle føresetnader, og studere korleis dette blir iverksatt.