Det juridiske fakultet, Bergen

Exfac - juridisk forprøve - er ein introduksjon til jusstudiet.

Kandidatane har kunnskapar om og forståing av

• samspelet mellom juss, politikk og alminneleg samfunnsdebatt
• kva ein rettsregel er og korleis slike reglar blir til og blir endra
• rettsreglane sine samfunnsmessige funksjonar
• dei sentrale institusjonane i det norske rettssystemet, medrekna samanhengar mellom nasjonal og internasjonal rett
• krava som blir stilte til ein rettsstat
• rettsbrukaren sine oppgåver og ansvar i rettsstaten
• korleis retten oppnår legitimitet i samfunnet

Kandidatane oppnår dugleik og generell kompetanse til å kunne

• forklare kva eit rettsspørsmål er og korleis juristar grip fatt i og løyser slike spørsmål
• søkje etter relevante juridiske argument og identifisere verdimessige spenningar og konfliktar mellom desse
• munnleg presentere kursoppgåver i grupper
• skape og delta i munnleg diskusjon om rettsspørsmål i grupper
• utarbeide eit sjølvstendig skriftleg kursoppgåvesvar
• skriftleg løyse ei praktisk juridisk problemstilling

MAJUR

Førelesingar, seminargrupper, ei praktisk oppgåve i juridisk metode og tilbakemeldingar på arbeidet med ei seminaroppgåve.

1.  Alle elementa i obligatoriske arbeidskrav må vere godkjende for at kursgjennomføringa kan godkjennast. Kursgjennomføringa må vere godkjend for at ein kan framstille seg til eksamen.
2. Godkjenninga gjeld berre i inneverande studieår, det vil seie for første ordinære eksamen og første kontinuasjonseksamen. Dersom eksamen ikkje er greidd etter det, må heile kurset takast på nytt.
3. Innhaldet i dei obligatoriske arbeidskrava:75 % deltaking i seminara.
4. Skriftleg disposisjon for seminaroppgåva. Dette er eit gruppearbeid. Disposisjonen skal leverast pr. e-post til seminarleiar dersom ikkje noko anna er opplyst. Disposisjonen blir kommentert av seminarleiar.
5. Munnleg presentasjon av tema for seminaroppgåva på seminarsamling. Dette er eit gruppearbeid.
6. Skriftleg førsteutkast til seminaroppgåva. Dette er eit sjølvstendig, individuelt arbeid. Førsteutkastet skal leverast pr. e-post til seminarleiar dersom ikkje noko anna er opplyst. Utkastet blir kommentert av seminarleiar.
7. Diskusjonsoppgåve: Førebu og leie ein munnleg diskusjon over eit gitt tema. Dette er eit gruppearbeid.
8. Øvingsoppgåve: Oppgåvesvar på felles oppgåve i juridisk metode. Dette er eit sjølvstendig, individuelt arbeid. Svaret på oppgåva skal leverast i Kark dersom ikkje noko anna er opplyst. Svaret på oppgåva blir retta og kommentert av arbeidsgruppeleiarar for første studieår.

1. Vurderinga (eksamen) er sett saman av to element (mappevurdering):Seminaroppgåve. Dette er eit sjølvstendig, individuelt arbeid som skal leverast i Kark dersom ikkje noko anna er opplyst.
2. Kunnskapstest. Dette er ein totimars, skriftleg, individuell skuleeksamen.

Andre reglar:

1. Dei individuelle arbeida i arbeidskrava blir regulerte av reglane for kursoppgåver så langt dei høver.
2. Seminaroppgåva blir regulert av reglane for heimeeksamen så langt dei høver.

Ved sensur av emnet vert karakterskalaen greidd/ikkje greidd nytta.

I samsvar med retningsliner for evaluering av emne ved Det juridiske fakultet.

Kursansvarleg: professor Ragna Aarli

Administrativt ansvarleg: 1.studiear@jurfa.uib.no