Norsk som andrespråk er norsk lært i Noreg av menneske med eit anna språk som morsmål. Studiet i norsk som andrespråk skal gje ei allsidig orientering om dei spørsmåla som reiser seg når personar med andre morsmål skal lære seg norsk språk og verte integrerte i det norske samfunnet. Reint praktisk skal studiet gje grunnlag for betre skrivedugleik i både bokmål og nynorsk.

Faget er i første rekkje tenkt for studentar som planlegg å undervise i norsk som andrespråk for elevar frå språklege minoritetar i ulike skuleslag.

Kandidaten skal ved avslutta program ha følgjande læringsutbyte definert i kunnskapar, dugleikar og generell kompetanse:

Kunnskapar:

Kandidaten

• har brei og grundig kunnskap om norsk lydlære, grammatikk ordforråd og språkbruk
• har solid kunnskap om andrespråktileigning og -undervisning og tilhøvet til det norske språket
• har kjennskap til bruken av ulike slag tekstar i andrespråkstileigning og -undervisning
• har kunnskap om sentrale aspekt ved vurdering og testing av språkleg dugleik
• har godt oversyn over nordisk, særleg norsk, skjønnlitteratur, med vekt på 1900-talet
• kjenner dei episke, lyriske og dramatiske hovudsjangrane og viktige undersjangrar av dei
• kjenner sentrale nordiske forfattarskapar

Dugleikar:

Kandidaten

• kan skrive bokmål og nynorsk korrekt og godt
• kan skrive velformulerte og samanhengande skildrande, resonnerande og argumenterande tekstar om andrespråksrelaterte emne
• kan analysere og drøfte problemstillingar innanfor disiplinen på ein fagleg måte
• kan hente inn fagleg informasjon og vurdere han kritisk
• kan gje opplæring og rettleiing i bruken av norsk som andrespråk
• kan rettleie lærarar med elevar i norsk som andrespråk

Generell kompetanse:

Kandidaten

• kan kommunisere med fagfolk og allmenta om faglege problemstillingar som gjeld andrespråkstileigning og -undervisning
• kan arbeide aktivt for å styrkje sine eigne kunnskapar og dugleikar i faget
• kan nytte sin kombinasjon av fag i spesialisering og frie studiepoeng i vidare utdanning eller yrkesplanar
• kan planleggje og gjennomføre eit forskingsarbeid av avgrensa omfang

EXPHIL Examen philosophicum (10 stp)

EXFAC00SK Språk og kommunikasjon (10 stp)

NORAN120 Innføring i nordiskstudiet med vekt på norsk som andrespråk (10 stp)

I tillegg er det obligatorisk med ei spesialisering på 90 studiepoeng i norsk som andrespråk.

Følgjande emne er obligatoriske i spesialiseringa:

NORAN101 Norsk språk som andrespråk (15 stp)

NORAN104 Andrespråkslæring og -undervisning (15 stp)

NORAN107 Fleirspråklegheit i sosiolingvistisk perspektiv (10 stp)

NORAN109 Testing og vurdering av språkferdigheiter (5 stp)

NORAN115 Litteratur og tekst i eit andrespråksperspektiv (15 stp)

NORAN250 Andrespråkslingvistikk med bacheloroppgåve (15 stp)

NOLI102 Nordisk: Litteratur etter 1900 (15 stp)

Kvart av emna NORAN101 og NORAN104 kan bytast ut med tilsvarande emne frå fjernstudiet Prisme (med kodetillegget -F).

Studenten kan velje emne innanfor skulefag, språkfag, historie- og kulturfag, estetiske fag eller andre fag som er relevante for studenten si vidare utdanning eller yrkesplanar. Det er tilrådd at valemna utgjer ein naturleg heilskap.

Dersom ein planlegg ei karriere som lærar, må ein bruke dei valfrie studiepoenga til å ta 60 studiepoeng i eit skulefag i tillegg til norsk som andrespråk. I kombinasjon med praktisk-pedagogisk utdanning vil utdanninga då kunne gi undervisningskompetanse i skuleverket.

Rekkjefølgja er tilrådd, ikkje obligatorisk.

1. semester: EXPHIL, EXFAC00SK, NORAN120

2. semester: NORAN101 og NORAN104

3. semester: NORAN107, NORAN109 og NORAN115

4. semester: NOLI102 og NORAN250

5. og 6. semester: valemne

Det er mogleg å ta delar av studiet i utlandet, og universitetet har utvekslingsavtalar med mange institusjonar over det meste av verda. Det er viktig at ein finn ein institusjon med eit fagtilbod som passar for den einskilde studenten, og valet av utanlandsopphald blir gjort i samråd med studierettleiaren.

Spesielt tilrådde utvekslingsstader er Stockholms universitet, Københavns universitet, Christian-Albrechts-Universität zu Kiel, Uniwersytet im. Adama Mickiewicza w Poznaniu (Adam Mickiewicz University), Uniwersytet Gda¿sk (University of Gda¿sk), Universitatea Babe¿-Bolyai Cluj-Napoca (Babe¿-Bolyai University Cluj-Napoca) og Université de Sorbonne.

Bachelorprogrammet omfattar ulike undervisningsformer; til dømes forelesing, seminar, gruppeundervisning og individuell rettleiing.

For meir detaljert informasjon, sjå emneplanen for det einskilde emnet.

Gjennom programmet blir studentane prøvde på ulike måtar, eksempelvis ved mappevurdering, skuleeksamen, rettleidd oppgåve og munnleg prøve.

For meir detaljert informasjon, sjå emneplanen for det einskilde emnet.

Ved sensur kan det bli nytta ein av to karakterskalaer:

1) Karakterskala A-F

2) Bestått/ikkje bestått

For meir detaljert informasjon, sjå emneplanen for det einskilde emnet.

Kompetanse i språk og litteratur er etterspurd i mange ulike yrke og bransjar, både private og offentlege.

Generelt gir studiet ein praktisk og teoretisk tekst- og språkkompetanse som, kombinert med annan relevant kompetanse, kan kvalifisere for arbeid overalt der det krevst evne til språkleg formidling og til vurdering og utvikling av tekst, t.d. i undervisnings- og informasjonsarbeid, i forlag og kulturinstitusjonar, i offentlege etatar, private føretak og organisasjonar.

Bachelor i norsk som andrespråk med minst 60 studiepoeng i eit skulefag i tillegg til norsk som andrespråk kan kombinerast med praktisk-pedagogisk utdanning og gje undervisningskompetanse i skuleverket.