Tyskstudiet skal øve studentane i praktisk språkdugleik (skriftleg og munnleg) og gi dei innsikt i tysk språk og dei tyskspråklege landa sin litteratur, kultur og samfunnstilhøve.

Emna på 200-nivå skil seg frå emna på 100-nivå primært ved at dei skal gi fordjuping i utvalte emne.

Kunnskap:

Studenten

• har gode kunnskapar i tysk grammatikk og lydlære, derunder kjennskap til viktige kontrastive aspekt tysk-norsk
• har kunnskap om hovudtrekk i utviklinga av den tyskspråklege litteraturen etter ca. 1750
• har grunnleggjande kunnskap om utvalte tema innan tyskspråkleg kultur i perioden frå opplysningstida fram til i dag

Dugleik:

Studenten

• har opparbeidd grunnleggjande dugleik i språkleg, kulturell og litterær analyse gjennom varierte skriftlege og munnlege øvingsoppgåver
• har god evne til å uttrykkje seg på tysk både munnleg og skriftleg og
• har god innsikt i språktilhøve og språkleg variasjon i dei tyskspråklege landa

Grunnkompetanse:

Studenten

• har utvikla ei reflektert og sjølvstendig haldning til lærestoffet gjennom analysar av ulike språklege, litterære og kulturelle uttrykk i historisk og samfunnsmessig samanheng
• kan nytte sin fagkombinasjon i spesialisering og frie studiepoeng i vidare utdanning eller yrkesplanar

Ein rår til at studentane i tillegg til generell studiekompetanse har forkunnskapar i tysk som svarar til nivå II frå vidaregåande skole.

Bachelorprogrammet i tysk inneheld 20 studiepoeng med innføringsemne og er sett saman av:

• Examen philosophicum
• Tekst og kultur

eller Språk og kommunikasjon

I tillegg til dei 20 studiepoenga med innføringsemne, rår ein studentane til å velje TYS100 Introduksjon til tyskstudiet det første semesteret.

Bachelorgraden kan ikkje innehalde meir enn 30 studiepoeng innføringsemne.

På 200-nivå må eitt av emna TYS251, TYS252 eller TRANSHF inngå i spesialiseringa. Dette for å tilfredsstille gradskravet om eit sjøvstendig skriftleg arbeid på 15 studiepoeng, jf. Utfyllande reglar for Det humanistiske fakultet.

Spesialiseringa i tysk omfattar emna: TYS111, TYS112, TYS113, TYS114, eit av emna TYS201 eller TYS251 og eit av emna TYS202 eller TYS252. TRANSHF kan erstatte TYS201 eller TYS251.

For å oppnå spesialisering i tysk på bachelornivå, kan førehandsgodkjente heiltidsstudium i utlandet kome i staden for obligatoriske spesialiseringsemne i tysk.

Bachelorprogrammet i tysk har rom for 70 frie studiepoeng, inkludert TYS100 Introduksjon til tyskstudiet. Studenten kan her velje emne innanfor skulefag, språkfag, historie- og kulturfag, estetiske fag eller andre fag som er relevante for studenten si vidare utdanning eller yrkesplanar.

Døme på rekkjefølgje for emne i studiet:

1. semester (haust):

Førstesemesterstudiet ex.phil. og ex.fac. (20 stp)

TYS100 Introduksjon til tyskstudiet (10 stp)

2. semester (vår):

TYS111 Grunnemne i tysk språk I (15 stp)

TYS112 Tyskspråkleg kultur (15 stp)

Undervisninga i delar av TYS111 og TYS112 er lagt til Universitetet i Kiel.

3. semester (haust):

TYS113 Grunnemne i tysk språk II (15 stp)

TYS114 Tyskspråkleg litteratur (15 stp)

4. semester (vår):

TYS201 Fordjuping i tysk språk (15 stp) eller TYS251 Fordjuping i tysk språk med semesteroppgåve (15 stp)

TYS202 Fordjuping i tyskspråkleg litteratur (15 stp) eller

TYS252 Fordjuping i tyskspråkleg litteratur med semesteroppgåve (15 stp)

5. semester (haust):

Frie studiepoeng eller delstudium i utlandet (30 stp)

6. semester (vår):

Frie studiepoeng eller delstudium i utlandet (30 stp)

Studentar kan sjølv velje om dei vil følgje det tilrådde løpet eller om dei vil byte om på rekkjefølgja av spesialisering og frie studiepoeng. Ein må då vere merksam på at tyskemna har faste undervisningssemester. Det er tilrådd at ein fullfører 100-nivå i tysk før ein tar fatt på 200-nivå.

Du kan ta delar av bachelorutdanninga di som utvekslingsstudent i eit anna land. Du kan velje blant Universitetet i Bergen sine avtaler i heile verda, anten for å studere innan spesialiseringa i programmet, eller for å ta frie studiepoeng i graden. Studentar som ønskjer å dra på utveksling som del av spesialiseringa, blir tilrådde å gjere dette på 200-nivå.

Emna må førehandsgodkjennast av UiB.

Programmet omfattar ulike undervisningsformer; til dømes forelesingar, seminar, gruppeundervisning og individuell rettleiing.

Sjå emneplanen for det einskilte emnet.

Gjennom programmet blir studentane prøvde på ulike måtar, til dømes ved skoleeksamen, semesteroppgåve og munnleg prøve.

Sjå emneplanen for det einskilte emnet.

Ved sensur av emna i programmetkan det blinytta ein av to karakterskalaer:

1) A-F, der F er stryk

2) Greidd/ikkje greidd

Sjå emneplanen for det einskilte emnet.