Kulturvitskap ved UiB dekker eit breitt nedslagsfelt, med fokus på kvardagskultur og folkelege

førestillingsverder. Sentrale tema er folkeleg religiøsitet, migrasjon og etniske konfliktar,

materialitet, kulturelle perspektiv på helse og fortida sin plass i notida uttrykt i omgrepa

tradisjon og kulturarv. Feltarbeid og forskingsetiske problemstillingar relatert til kvalitativ

metode, og systematisering og bruk av kvalitativt materiale står også sentralt.

Mastergradsstudiet tek sikte på å gi studentane innsikt i kulturvitskaplege problemstillingar og

forskingsstrategiar. Studiet har mange utfordringar, både når det gjeld ulike kvalitative

dokumentasjonsmåtar, analyse av ulike typar materiale, og dei forskingsetiske problema ved

det å drive kulturvitskapleg forsking. I arbeidet med masteroppgåva skal studentane lære seg

å bruke faget sine teoriar og metodar i eit sjølvvalt empirisk forskingsprosjekt.

Kandidaten skal ved avslutta program ha følgjande læringsutbyte definert i kunnskapar,dugleikar/ferdigheiter og generell kompetanse:
Kunnskapar:
Ved fullført mastergrad i kulturvitskap har studenten tileigna seg avanserte kunnskapar om nyare kulturvitskaplege teoriar og vitskapsteoretiske problemstillingar. Ho/han har inngåande
kunnskapar om kvalitative metodar og forskingsetikk i samband med konkret praktisk og
teoretisk problemløysing. Ho/han har inngåande innsikt i, og kan analysera tema knytt til
faghistorie og fagets eigenart der folkloristikk, etnologi og kulturformidling er viktige kunnskapsfelt.

Ferdigheiter:

Ved fullført grad kan studenten meistre relevante faglege omgrep og teoriar. Ho/han kan

avgrense eit forskingsprosjekt og analysere og forhalde seg kritisk til kvalitativt materiale.

Ho/han kan òg gjere bruk av både individuell rettleiing og rettleiing i gruppe. Studenten har i

tillegg avanserte kunnskapar om sjangeren prosjektskildring og kan formulere

problemstillingar og knytte relevant materiale til desse. Gjennom masterseminaret har ho/han

også lært å gi relevant kritikk. Vidare kan studenten gjere seg sjølvstendige refleksjonar over

teoriar, metodar og tolkingar i lys av fagspesifikke tema og perspektiv. Studenten kan òg nytte

ulike sjangrar som er aktuelle for kulturvitskapleg formidling. Ved fullført grad kan studenten

på sjølvstendig vis nytte kunnskapar om kulturvitskaplege metodar og forskingsetikk i

samband med konkret praktisk og teoretisk problemløysing.

Generell kompetanse:

Studenten kan nytte teoretiske kunnskapar og ferdigheiter på nye område og kan planlegge eit

forskingsprosjekt. Ho/han har oversyn over og forståing for eige fagområde og kan sjå aktuelle

problemområde i eit kulturvitskapleg og faghistorisk perspektiv, og kan analysere relevante

metodiske og forskingsetiske problemstillingar. Ho/han kan formidle forskingsresultat i

vitskaplege arbeid og formidle faglege problemstillingar og resultat til ålmenta og utvikle nye

prosjekt i ulike kulturelle samanhengar.

1. semester: KUVI301* og KUVI302
2. semester: KUVI303* og KUVI304
3. semester: arbeid med masteroppgåva (KUVI350)
4. semester: arbeid med masteroppgåva (KUVI350)

* kan etter søknad bytast ut med andre relevante emne.

Programmet kan inkludera eit delstudium i utlandet for dei som ynskjer det. Eit opphald ved eit

utanlandsk universitet kan gje både breidde og djupne i læringsutbyttet til studiet, i tillegg til

språkkunnskapar og verdifull internasjonal røynsle. UiB har utvekslingsavtalar med universitet i

hele verda. Eksempel på avtaler som programmet vil trekke fram er Humboldt University Berlin

og University of Zagreb.

Eit utanlandsopphald bør planleggjast i god tid på førehand, og studiekonsulent på programmet rettleiar gjerne i prosessen. Sjå www.uib.no/utveksling

Det vert nytta bokstavkarakterar, der A er høgste karakter og F er stryk. Det vert også nytta greidd / ikkje greidd.

Ein mastergrad i kulturvitskap gir grunnlag for vidare studiar og forsking.

Etter endt masterprogram i kulturvitenskap kan du for eksempel søke opptak til postmasteremnene AHKR391 Forskningsfordypning etter mastergrad og AHKR392 Historieformidling etter mastergrad.

Mastergrad i kulturvitskap kan også gi kompetanse for vidare studium på ph.d.-nivå.

Ein kulturvitar har kompetanse for arbeid i blant anna museums- og kultursektoren, arkiv og i utdanningssektoren.

Masterprogrammet blir kontinuereig evaluert i tråd med retningslinene for kvalitetssikring ved

UiB. Emne- og programevalueringar finn ein på kvalitetsbasen.uib.no.

Utval for undervisning og internasjonalisering ved AHKR har ansvar for fagleg innhald og

oppbygging av studiet og for kvaliteten på studieprogrammet.

Det humanistiske fakultet v/Institutt for arkeologi, historie, kultur- og religionsvitenskap har det administrative ansvaret for studieprogrammet.

Ta gjerne kontakt med studierettleiar på programmet, dersom du har spørsmål:

studierettleiar@ahkr.uib.no

Fagomtale

Mastergradsstudiet tek sikte på å gje studentane innsikt i kulturvitskaplege problemstillingar og forskingsstrategiar. Studiet har mange utfordringar, både når det gjeld ulike kvalitative dokumentasjonsmåtar, analyse av ulike typar materiale, og dei forskingsetiske problema ved det å driva kulturvitskapleg forsking. I arbeidet med masteroppgåva skal studentane læra seg å bruka fagets metodar og teoriar i eit empirisk forskingsprosjekt. Siktemålet med mastergradsstudiet er elles å gje fordjupa forskingskompetanse innanfor eit sjølvvalt emne.

Mastergrad i kulturvitskap er bygd opp rundt tre studieretningar: Etnologi, folkloristikk og kulturvern og kulturformidling. Studentane skal spesialisera seg innanfor éi av desse studieretningane. Mastergraden skal samstundes setja dei tre retningane inn i ein større kulturvitskapleg samanheng. I undervisninga vil slektskapen og ulikskapen mellom dei tre studieretningane verta diskutert.

Masterstudiet skal gjera studentane kjende med nyare tenkjemåtar, teoriar og metodar innanfor kulturfaga. Ekskursjonar og studieturar kan inngå som ein del av studiet.

Emneoversikt

Masterstudiet er bygt opp rundt ein kursdel på 60 studiepoeng og ei masteroppgåve på 60 studiepoeng.

Fullstendig oversikt over innhaldet i emna finn du under emneomtalane.

KUVI301 Fellespensum i kulturvitskap, 15sp. Semester: H. Byggjer på: BA. Valfri

KUVI302 Prosjektskildring, 15sp. Semester: H. Byggjer på: BA. Obligatorisk: Ja

KUVI303Obligatorisk innlegg, 15sp. Semester: V/H. Byggjer på: KUVI301 og KUVI302. Obligatorisk: J

KUVI304 Kvalitative metodar og forskingsetikk, 15sp. Semester: V. Byggjer på: KUVI301 og KUVI302. Obligatorisk: Ja

KUVI350 Masteroppgåve, 60sp. Semester: V/H. Obligatorisk: Ja

Masterstudentar i kulturvitskap kan ta inn valfrie emne på masternivå frå andre fag (15 studiepoeng). Innpassing av slike emne må godkjennast av seksjonen før studenten kan melda seg opp til eksamen i emnet.

Studiepoeng på masternivå frå andre norske eller utanlandske lærestader kan erstatta valfrie studiepoeng eller eit obligatorisk emne i mastergraden. Utvekslingsopplegg skal godkjennast av seksjonen før utvekslinga finn stad.

Studiet byggjer på fullført bachelorgrad eller tilsvarande utdanning. Bachelorstudiet må omfatte ei spesialisering i kulturvitskap på minst 90 studiepoeng.

Masteroppgåva i kulturvitskap skal skrivast innanfor eit kulturvitskapleg tema. I oppgåva må du dokumentere evne til sjølvstendig, kritisk og metodisk arbeid og meistre den framsillings- og dokumentasjons- teknikken som høver for emnet.

Masteroppgåva skal skrivast innan eit sjølvvald tema, og godkjennast av fagmiljøet. Oppgåva skal vere ei vitskapleg gransking basert på kulturvitskaplege tema. Omfanget skal vere på om lag 70-110 sider. Du får tildelt ein mellombels rettleiar under arbeidet med KUVI302 Prosjektskildring. Når dette emnet er fullført får du tildelt ein fast rettleiar. Rettleiinga er ein obligatorisk del av studiet.

Studiet er sett saman av ein kursdel på 60 sp og ei masteroppgåve på 60 sp. I kursdelen er nokre emne obligatoriske, medan andre er valfrie. Dei obligatoriske emna er KUVI302 Prosjektskildring, KUVI303 Obligatorisk innlegg, KUVI304 Kvalitative metodar og forskingsetikk og KUVI350 Masteroppgåve. Valfritt emne er KUVI301 Fellespensum i kulturvitskap.

Eit masterprogram i kulturvitskap kan sjå slik ut:

1. semester:

KUVI302 - Prosjektskildring 15 sp

KUVI301 - Fellespensum i kulturvitskap (Valfritt emne) 15 sp

2. semester:

KUVI303 - Obligatorisk innlegg 15 sp

KUVI304 - Kvalitative metodar og forskingsetikk 15 sp

KUVI350 - Masteroppgåve

3. og 4. semester:

KUVI350 - Masteroppgåva 60 sp

Haust.

Mastergradsstudiet i kulturvitskap er eit fulltidsstudium over fire semester, og gjev 120 studiepoeng. Hovudopptak er om hausten. Nye mastergradsstudentar skal underteikna ein kontrakt med Dethumanistiske fakultet. Kontrakten regulerer kva rettar og plikter du har som masterstudent. Du har plikt til å setja deg inn i kontraktvilkåra.

Du får tildelt ein mellombels rettleiar for arbeidet med KUVI302. Når dette emnet er fullført, får du tildelt fast rettleiar. Ved studiestart i haustsemesteret skjer dette i slutten av fyrste semester. Du har rett og plikt til å ta imot rettleiing i fire semester. Vilkåra for rettleiing er å finna i ein eigen kontrakt som student og rettleiar skriv under.

Tilrådd progresjon for dei som byrjar om hausten:

1. semester HAUST: KUVI301, KUVI302

2. semester VÅR: KUVI303. KUVI304, KUVI350

3. semester HAUST: KUVI303, KUVI350

4. semester VÅR: KUVI350

Tilrådd progresjon for dei som byrjar om våren:

1. semester VÅR: KUVI303, KUVI304

2. semester HAUST: KUVI301, KUVI302

3. semester VÅR: KUVI350

4. semester HAUST: KUVI350