Undervisningsspråket er norsk og i nokon grad dansk og svensk. Språket i evaluerte skriftlege arbeid er norsk, både bokmål og nynorsk.

Masterprogrammet i nordisk språk og litteratur skal gi kunnskapar på høgt nivå i utvalde vitskaplege disiplinar innanfor nordistikken. Nordistikken femner om litteratur og språk frå både eldre og yngre tid. Til fagområdet høyrer òg nordisk fagdidaktikk og norsk som andrespråk.

Studentane har ein høg grad av valfridom. Studiet tilbyr ei rekkje språklege og litterære emne som dels går att med jamne mellomrom, dels er eingongstilbod, jf. oversyn nedanfor. Studentane kan velje å konsentrere seg om berre litteratur eller berre språk, eller dei kan kombinere litterære og språklege emne.

Felles for alle studentane er emnet Prosjektutvikling, som skal føre fram til ei individuell skisse der studenten gjer greie for planane for masteroppgåva.

Mastergradsstudiet blir avslutta med innlevering av masteroppgåva. Masteroppgåva utgjer halvdelen av studiet og er eit sjølvstendig forskingsarbeid utført og skrive under rettleiing. Studentane vel tema og problemstilling for oppgåva sjølv i samråd med faglærarane, innanfor dei vide grensene som er skisserte for fagområdet nordisk.

Ein kandidat med mastergrad i nordisk språk og litteratur har følgjande totale læringsutbyte definert i kunnskap, dugleikar og generell kompetanse:

Kunnskap:

Kandidaten

- har avansert kunnskap innanfor nordisk språk og litteratur og spesialisert innsikt i det emnet han eller ho har skrive masteroppgåve om

- har inngåande kunnskap om vitskaplege teoriar og metodar i nordistikken

- kan bruke kunnskapen på nye område av nordisk språk og litteratur

- kan analysere faglege problemstillingar med utgangspunkt i nordistikkens tradisjonar, eigenart og plass i samfunnet

Dugleikar:

Kandidaten

- kan analysere teoriar, metodar og fortolkingar innanfor nordisk språk og litteratur og kan arbeide sjølvstendig med praktisk og teoretisk problemløysing

- kan bruke nordistikkens metodar for forsking og fagleg utviklingsarbeid på ein sjølvstendig måte

- kan analysere og drøfte språklege og litterære primær- og sekundærkjelder kritisk og bruke dei til å strukturere og formulere faglege resonnement

- kan gjennomføre eit sjølvstendig, avgrensa forskingsprosjekt i nordisk språk og litteratur under rettleiing og i tråd med gjeldande forskingsetiske normer

- kan skrive ein lengre vitskapleg tekst i samsvar med krav til godt språk, klare resonnement og god tekststruktur

- kan skrive bokmål og nynorsk korrekt og godt og bruke språket på måtar som er tilpassa føremålet

Generell kompetanse:

Kandidaten

- kan analysere fag-, yrkes- og forskingsetiske problemstillingar

- kan bruke kunnskapane og dugleikane sine på nye område for å gjennomføre avanserte arbeidsoppgåver og prosjekt

- kan formidle omfattande sjølvstendig arbeid og meistrar dei uttrykksformene som høyrer nordistikken til

- kan kommunisere om faglege problemstillingar, analysar og konklusjonar innanfor nordisk språk og litteratur, både med spesialistar og allmenta

- kan bidra til nytenking og innovasjon, særleg på felt der språk og litteratur står sentralt

Bachelorgrad med spesialisering i nordisk språk og litteratur eller norsk som andrespråk, eller anna utdanning som gjev tilsvarande kvalifikasjonar.

Karakteren C eller betre i gjennomsnitt på dei emna som inngår i spesialiseringa.

Studentar som ønskjer å søkje opptak til programmet på anna grunnlag, må søkje fakultetet om godkjenning på førehand, seinast innan 1. mai. Slike søknader må innehalde karakterutskrift/vitnemål, pensumliste og beskriving av dei emna søkjaren meiner skal erstatte ei ordinær spesialisering. Ei eventuell godkjenning må leggjast ved søknaden til masterprogrammet.

God dugleik i praktisk bruk av bokmål og nynorsk.

Desse emna er obligatoriske:

NOLISP302 Nordisk: Prosjektutvikling, 5 stp

NOLISP303 Nordisk: Individuelt særemne, 10 stp

NOLISP350 Nordisk: Masteroppgåve, 60 stp

To eller tre av desse emna skal veljast, alle på 15 stp:

NOLI311 Nordisk: Litterært masteremne C

NOLI312 Nordisk: Litterært masteremne D

NOLI321 Nordisk: Litterært masteremne A

NOLI322 Nordisk: Litterært masteremne B

NOSP310 Nordisk: Språkbruksanalyse

NOSP312 Nordisk: Språkleg masteremne

NOSP314 Nordisk: Språk i Norden

NOSP321 Nordisk: Språkleg variasjon og endring

NOSP322 Nordisk: Namnegransking

NOSP325 Nordisk: Grammatikk og semantikk

NORAN320 Særemne i norsk som andrespåk

NOFI302 Spesialisert emne i norrøn filologi 1

Emne på 300-nivå gir ikkje utteljing i kombinasjon med 200-nivåemne med same tema på grunn av fagleg overlapping:

NOSP310 har full overlapping med NOSP210 og NOSP250. Kombinasjon av NOSP310 med NOSP210-L eller NOSP250-L gir 10 stp studiepoengreduksjon, dvs. 5 stp for NOSP310.

NOSP314 har full overlapping med NOSP214 og NOSP254.

NOSP321 har full overlapping med NOSP221 og NOSP251.

NOSP322 har full overlapping med NOSP222 og NOSP252.

Eitt av desse emna kan veljast, alle på 15 stp:

NORAN250 Andrespråkslingvistikk

RET205 Nordisk retorikk

RET255 Nordisk retorikk med bacheloroppgåve

LINGMET Metodeemne for språklege mastergradar

Tilrådd progresjon:

1. semester: to emne

2. semester: NOLISP302, NOLISP303 og eitt emne til

3. og 4. semester: NOLISP350 (masteroppgåva)

I byrjinga av det første semesteret samlast studentar og aktuelle rettleiarar til ein idédugnad der lærarane gjer greie for sine rettleiingsinteresser og studentane får drøfta sine tankar om moglege prosjekt.

Det er mogleg å ta delar av studiet ved institusjonar i utlandet. Det er særleg universitet i dei nordiske landa som er aktuelle (Danmark, Sverige, svenskspråklege institusjonar i Finland, Island, Færøyane). Spesielt tilrådde utvekslingsstader er Universitetet i Uppsala, Universitetet i København, Aarhus Universitet, Helsingfors Universitet, Ludwig-Maximilians-Universität München og Amsterdam Universitet.

Dersom ein skal ta emne i norsk som andrespråk kan det vere aktuelt å nytte dei tilrådde avtalane på dette fagfeltet. Sjå studieplanen for bachelorprogrammet.

Studierettleiaren hjelper til med å finne relevante studium og ordne utvekslingsavtaler.

Førelesingar, seminar, skriving under rettleiing.

Masteroppgåve med avsluttande munnleg eksamen. Skriftlege og munnlege eksamenar, semesteroppgåver, mappevurderingar.

Kompetanse i nordisk språk og litteratur er etterspurd i mange ulike yrke og bransjar, både private og offentlege.

Generelt gir studiet ein praktisk og teoretisk tekst- og språkkompetanse som, kombinert med annan relevant kompetanse, kan kvalifisere for arbeid over alt der det krevst evne til språkleg formidling og til vurdering og utvikling av tekst, t.d. i undervisnings- og informasjonsarbeid, i forlag og kulturinstitusjonar, i offentlege etatar, private føretak og organisasjonar.

Dersom ein ved sida av nordisk har minst 60 studiepoeng i eit anna skulefag, kan ein kombinere dette med praktisk-pedagogisk utdanning og gje undervisningskompetanse i skuleverket, primært i vidaregåande skule og på ungdomstrinnet i grunnskulen.

Mastergrad i nordisk språk og litteratur kan òg danne grunnlaget for ei forskarutdanning innanfor språklege eller litterære disiplinar av nordistikken.

Det humanistiske fakultet ved Institutt for lingvistiske, litterære og estetiske studium har det administrative ansvaret for studieprogrammet.

Spørsmål kan rettast til studierettleiaren på programmet: mailto:studierettleiar@lle.uib.nostudierettleiar@lle.uib.no

Masterprogrammet i nordisk er eit fire semesters fulltidsstudium med eit omfang på 120 studiepoeng. Studiet består av ein kursdel på 60 studiepoeng og ein avhandlingsdel på 60 studiepoeng.

Studentane skal gjennom mastergradsstudiet tileigne seg djupare innsikt og meir omfattande kunnskapar innanfor delar av fagområdet nordisk. Dei skal få høve til å setje seg inn i vitskapleg teori og metode og i historia til nordiskfaget generelt, og til fagområda dei fordjupar seg i spesielt, og dei skal utvikle ei meir sjølvstendig og kritisk haldning til kjeldematerialet og vitskaplege framstillingar. Den viktigaste delen av mastergradsstudiet ligg i arbeidet med masteroppgåva.

Opptaksgrunnlaget er ei spesialisering på 90 studiepoeng i nordisk språk og litteratur frå Universitetet i Bergen, eller tilsvarande godkjend spesialisering i nordisk frå anna universitet og/eller høgskule, og oppnådd bachelorgrad.

Studentar som ønskjer å søkje opptak til masterprogram i nordisk på anna grunnlag enn det som er oppgitt å vere godkjent spesialisering i nordisk (sjå studieplanen for det aktuelle faget), må søkje fakultetet om godkjenning på førehand, seinast innan 1. mai. Slike søknader må innehelde karakterutskrift/vitnemål, pensumliste og beskriving av dei emna søkjaren meiner skal erstatte ei ordinær spesialisering. Ei eventuell godkjenning må leggjas ved søknaden til masterprogrammet.

Nordisk har tradisjonelt vore prega av historiske perspektiv på språk og kultur, men opplever i dag eit metodisk mangfald slik at moderne språk- og litteraturteori er like aktuelt som kulturell og historisk kontekstualisering.

Masteroppgåva blir skriven innanfor eit sjølvvalt emne godkjend av rettleiaren. Omfanget av oppgåva er normalt på 70-110 sider. Rettleiaren følgjer skriveprosessen og gir råd og tilbakemeldingar etter avtale, men du skal sjølvstendig og metodisk arbeide masteroppgåva fram til eit vitskapleg bidrag til faget. Du bør skaffe deg ein rettleiar så tidleg som mogleg i studiet. Instituttet har som mål å kunne tilby rettleiing innanfor dei fleste relevante fagområda, men må ta atterhald om rettleiingskapasitet. Rettleiing er obligatorisk, og både du og rettleiaren har ansvar for jamleg kontakt gjennom studiet.

Studiet har fem komponentar: fire enkeltemne på 15 studiepoeng og ei masteroppgåve. Eit masterprogram i nordisk kan sjå slik ut:

1. semester

NOLISP301 - Nordisk si faghistorie
NOSP308 - Fordjuping i nordisk språk I eller
NOLI308 - Fordjuping i nordisk litteratur I eller

RET205 - Nordisk retorikk

2. semester

NOLISP300 - Prosjektførebuande emne
NOSP309 - Fordjuping i nordisk språk II eller
NOLI309 - Fordjuping i nordisk litteratur II eller

RET205 - Nordisk retorikk

3. og 4. semester

NOLISP350 - Masteroppgåve

Studentane skal ved avsluttande eksamen dokumentere at dei har levert skriftlege arbeid på begge målformene. Masteroppgåva skal etter fritt val skrivast på nynorsk eller bokmål. Minst éin skriftleg skuleeksamen i kursdelen skal skrivast på den målforma som ikkje er brukt i masteroppgåva. Dersom ein student planlegg å ta teori- og fordjupingsemna i form av utanlandske eksamenar og/eller importerte emne der målformkravet ikkje er prøvd, kan dokumentasjonen skje ved at halve masteroppgåva blir skriven på bokmål og halve på nynorsk.

Oppmelding til eksamen skjer samstundes med registreringa i byrjinga av semesteret. Fristen for oppmelding står i studentportalen. Til instituttet skal studentane levere ei pensumliste der det går fram kva dei har lagt opp. Opplysningar om innleveringsfrist og godkjenningsprosedyrar finst i undervisningskatalogen.

Fordjupingsemna og teoriemna vert prøvd med to typar eksamen, skuleeksamen eller semesteroppgåve. Minst éin eksamen i kursdelen skal vere skuleeksamen. Minst ein skriftleg skuleeksamen i kursdelen skal skrivast på den målforma som ikkje er brukt i masteroppgåva. For eksamensform i fakultetsemna, sjå særskild emneomtale.

I det prosjektførebuande emnet skriv studenten ei prosjektskisse eller ei basisoppgåve (5-15 sider) som blir godkjend av rettleiar. Studenten skal leggje fram og forsvare teksten på eit seminar. Sjå emneomtalen for NOLISP300.

Det blir nytta gradert karakterskala frå A til F. Førebuingsemnet blir vurdert med stått/ikkje stått.

Sjå elles under emneomtalane.

Masterprogrammet i nordisk språk og litteratur kvalifiserer for yrke innanfor skole- og utdanningssektoren og er relevant for arbeid innanfor kulturliv, media og språk- og informasjonsarbeid.

Haust. Det kan bli aktuelt å ta opp studentar også til vårsemesteret. Ta kontakt for informasjon.

Mastergraden i nordisk er sett saman av to fellesemne, eitt teoriemne og to valfrie fordjupingsemne, sjå nedanfor. Masteroppgåva utgjer avhandlingsdelen, medan kursdelen altså er samansett av det prosjektførebuande emnet NOLISP300, teoriemnet og dei to valfrie fordjupingsemna.

Fellesemne (begge):

NOLISP300 - Prosjektførebuande emne (haust/vår)

NOLISP350 - Masteroppgåve

Teoriemne (eitt):

Anten

NOLISP301 - Nordiskfagets faghistorie (haust)

(eller andre fakultetsemne)

eller

NOSP311 - Språkteoretisk emne (vår)

(eller andre fakultetsemne)

eller

LITTEHF - Litteraturteori - fellesemne (haust/vår)

(eller andre fakultetsemne)

Fordjupingsemne (to):

NOLI308 - Fordjuping I i nordisk litteratur (haust/vår)

NOLI309 - Fordjuping II i nordisk litteratur II (haust/vår)

NOSP308 - Fordjuping I i nordisk språk (haust/vår)

NOSP309 - Fordjuping II i nordisk språk (haust/vår)

NOFI302 - Spesialisert emne i norrøn filologi (haust/vår) - kan takast i staden for eitt av fordjupingsemna.

RET205 - Nordisk retorikk (vår)

Som teoriemne vel studentane anten det språkvitskaplege teoriemnet (NOSP311), det faghistoriske emnet NOLISP301 eller eit fakultetsemne, t.d. det litteraturvitskaplege teoriemnet (LITTEHF) etter eige val, men slik at det høver med temaet for masteroppgåva. I tillegg kan eit anna teoriemne takast, men då i staden for eitt av dei valfrie fordjupingsemna. Pensum i kvart emne skal tilsvare om lag om lag 1000 teorisider av normal vanskegrad (vekta sider).

Studenten kan òg velje andre relevante fellesemne som fakultetet tilbyr. Studentar som er tekne opp med inntil 30 poeng emne som er importerte frå andre fag, må søkje instituttet om å få ta andre emne enn NOLISP301 eller NOSP311.

Det er utarbeidd eit sett med standardemne, sjå under emneomtalane. Innhaldet i emna kan variere mellom kvar gong dei blir underviste, innanfor dei rammene som namnet på emnet set.

Oppbygging og progresjon

Som fulltidsstudium skal programmet normalt kunne gjennomførast på fire semester. Det prosjektførebuande emnet (NOLISP300) skal vere gjennomført og godkjent før arbeidet med masteroppgåva tek til, dvs. seinast ved utgangen av 2. semester. Som støtte i arbeidet med prosjektførebuing vil instituttet annakvart semester tilby eit eige seminar.

Tilrådd progresjon ved opptak i haust- og vårsemesteret:

1. semester: Eit teoriemne og eit fordjupingsemne, eller to fordjupingsemne.

2. semester: Prosjektførebuande emne og anten eit teoriemne eller eit fordjupingsemne.

3. semester: Masteroppgåve.

4. semester: Masteroppgåve.

Ved opptaket, dvs. ved starten av 1. semester, skriv studenten kontrakt med instituttet, og får då tildelt ein ansvarleg kontaktlærar/rettleiar, som har ansvaret for rettleiinga under gjennomføringa av det prosjektførebuande emnet. Denne kontaktlæraren kan vere identisk med den faglege rettleiaren for masteroppgåva. Skiftar studenten rettleiar under arbeidet med prosjektbeskrivinga eller i avhandlingsdelen, vert kontrakten revidert på det punktet.

Emne på mastergradsnivå eller tilsvarande frå andre institutt eller institusjonar (også utanlandske) kan etter søknad til instituttet gå inn i mastergraden i staden for valfrie fordjupingsemne frå Institutt for lingvistiske, litterære og estetiske studium, dersom dei er klårt nærskylde med emne frå faget nordisk.

uib.no/utdanning

studierettleiar@lle.uib.no