Mastergrad i russisk er eit fulltidsstudium over fire semester. Det utgjer 120 studiepoeng og inneheld to hovuddelar, ein kursdel som omfattar fire emne, kvart på 15 studiepoeng, og ei masteroppgåve på 60 studiepoeng. Emna i kursdelen er dei tilboda som instituttet gjev i dei ulike semestra. Minst eitt masteremne må vere i same disiplin (språk, litteratur eller kultur) som masteroppgåva. Masteremne i same disiplin skal representera ulike område i disiplinen.

Studentane blir oppmoda til å delta på masterseminar frå første semester av, og til å leggja fram eit tema for masteroppgåva, diskutera dette med faglærarane og skriva under ein rettleiingskontrakt så tidleg som mogleg i andre semester. Det er også ønskjeleg at studentane utarbeider ei prosjektskisse i andre semester.

Mastergradsstudiet i russisk skal utdjupa kunnskapane som studentane har med seg frå tidlegare russiskstudium gjennom eit spesialisert studium i russisk språk, litteratur eller kultur.

Studiet skal vidare auka dei teoretiske kunnskapane, øva opp evna til kritisk refleksjon og gje ei grunnleggjande forskarskolering som set studenten i stand til å leggja fram, diskutera og drøfta faglege problemstillingar, munnleg (på masterseminar, under rettleiing og i presentasjon av masteroppgåva) så vel som skriftleg under rettleiing, særleg i samband med (i masteroppgåva og andre skriftlege arbeid). Elles skal masterstudiet i russisk utvida og styrkja den språklege kompetansen både munnleg og skriftleg.

Kandidaten skal ved avslutta program ha føljande læringsutbyte definert i kunnskapar, dugleikar og generell kompetanse:

Etter fullført studium:

Kunnskapar

Kandidaten har

• god innsikt i indre og ytre russisk språkhistorie og språkstruktur og fordjupa kunnskap om einskilde emne i russisk språkvitskap, til dømes innanfor russisk sosiolingvistikk, dialektologi eller korpuslingvistikk
• avansert kunnskap om korleis ein utformar akademiske tekstar, på russisk så vel som på norsk, medrekna om oppbygging, analyse, argumentasjon, stilnivå og terminologi
• solid breiddekunnskap om russisk språk, kultur og samfunn og fordjupa innsikt i somme problemstillingar, tema eller periodar innanfor anten russisk språk-, litteratur- eller kulturvitskap, avhengig av kva disiplin og tematikk som har vore tilbydd for særemnet RUS303 og om kandidaten har tatt RUS304, RUS305 eller eit anna tilrådd emne som fordjuping
• djupnekunnskap på problemfeltet til den sjølvvalde masteroppgåva innan russisk språk, litteratur eller kultur, eller eit felt i grenseområda mellom desse disiplinane

Dugleikar

Kandidaten kan

• arbeida kritisk og sjølvstendig med problemløysing på grunnlag av erverva fagkunnskap innan russisk språk, litteratur og kultur og nytta teoriar og metodar som har inngått i pensum og undervisninga og/eller har vorte nytta i arbeidet med heimeoppgåver og masteroppgåva
• forstå og nytta eit vidt generelt, så vel som filologisk omgrepsapparat på russisk, både skriftleg og munnleg
• setja seg inn i og omsetja forholdsvis avanserte russiskspråklege tekstar innan ulike sjangrar, problemfelt og spesialområde med hovudvekt på filologi
• utarbeida og halda munnlege innlegg, delta i faglege diskusjonar på både russisk og norsk og ta del i den offentlege debatten når denne rører ved fagområdet
• nytta breiddekunnskapen sin om russisk kultur og samfunn, djupnekunnskapen sin om russisk språk og litteratur og den praktiske dugleiken sin i russisk språk og akademisk skriving til problemløysing, formidling og vidare forsking på dette og liknande fagområde

Generell kompetanse

Kandidaten

• kan gjera effektive kjeldesøk, handsama innhenta materiale på ein konstruktiv og forsvarsetisk forsvarleg måte og bruka IKT-verktøy som er naudsynte for å gjennomføra sjølvstendig arbeid innanfor fagområdet
• har ei kritisk, reflektert og analytisk haldning til kjelder som til dømes vitskapelege publikasjonar, innsamla forskingsmateriale, formidlingsplattformar og oppslagsverk, så vel som til teoriar, tolkingar og metodar innanfor studiet sine fagområde
• kan utarbeida og formidla faglege framstillingar, munnleg og skriftleg og både med korte fristar og i eit meir langsiktige perspektiv, og gjennomføra sjølvstendig forskingsarbeid med noteapparat, referansar og bibliografi under rettleiing
• har godt innarbeidd kompetanse i praktisk omsetjing mellom russisk og norsk og kunnskap om sentrale strategiar og val i dette arbeidet
• har solid kompetanse i langsiktig utviklings- og prosjektarbeid og kan sjølvstendig halda fram med eiga kompetanseutvikling og spesialisering

Mastergradsstudiet i russisk føreset bachelorgrad med spesialisering i russisk.

Søkjarar frå utlandet må ha IELTS eller tilsvarande med karakteren 5.0 eller betre. Søkjarar med bachelorgrad frå Noreg må ha karakteren C eller betre i alle spesialiseringsemna i russisk på 200-nivå (RUS211 og RUS212/RUS252 frå UiB eller tilsvarande emne) for å bli teken opp på masterprogrammet i russisk.

Studentar som ønskjer å søkje opptak til masterprogram i russisk på anna grunnlag enn det som er oppgitt å vere godkjend spesialisering i russisk, må søkja om godkjenning på førehand, seinast innan 15. mars. Slike søknader må innehalda karakterutskrift/vitnemål, pensumliste og utgreiing om dei emna søkjaren meiner skal koma i staden for ei ordinær spesialisering. Ei eventuell godkjenning må leggjast ved søknaden til masterprogrammet.

Emna RUS301, RUS302 og RUS303 er obligatoriske.

Studentar som skriv masteroppgåve i litteratur, tek RUS304. Om ikkje RUS304 blir tilbydd, tek studenten eit anna tilrådd emne.

Studentar som skriv masteroppgåve i språk, tek RUS305. Om ikkje RUS305 blir tilbydd, tek studenten fellesemnet LINGMET eller eit anna tilrådd emne.

Studentar som skriv masteroppgåve innan kultur, vel det emnet som best stør opp under oppgåva.

Studentar må søkja om individuell innpassing av eksamenar som er tekne ved eit anna institutt eller ein annan institusjon.

Semester

Emne

1. Haust

RUS301 Russisk språkhistorie og språkstruktur,15 stp.

RUS302 Tekst og skriftleg russisk, 15 stp.

2. Vår

RUS303 Særemne i russisk språk-, litteratur- eller kulturvitskap, 15 stp.

RUS304, RUS305 eller eit tilrådd fellesemne i litteratur eller språk, 15 stp.

3. Haust

RUS350 Masteroppgåve

4. Vår

RUS350 Masteroppgåve

Kvart emne blir avslutta med ein eksamen. Dei eksamensformene som blir nytta er gjort greie for under kvart einskilt emne.

Masterstudiet blir avslutta med ein munnleg eksamen der masteroppgåva blir diskutert.

Emne

Vurderingsform(er)

RUS301

Skuleeksamen

RUS302

Skuleeksamen/mappevurdering

RUS303

Mappevurdering

RUS304

Skriftleg oppgåve og munnleg seminarinnlegg

RUS305

Skriftleg oppgåve og munnleg seminarinnlegg

RUS350

Masteroppgåve (70 ¿ 110 s.) og munnleg eksamen

Ved sensur av emna i programmet nyttast karakterskalaen

A-F, der F er stryk

Mastergradsstudiet i russisk skal auka dei teoretiske kunnskapane og øva opp evna til kritisk refleksjon. Studiet skal også gi ei grunnleggjande forskarskulering som set studenten i stand til å diskutera og løysa faglege problemstillingar under rettleiing, særleg i samband med masteroppgåva, og elles skal studiet utvida og styrkja den språklege kompetansen, både munnleg og skriftleg.

Mastergradsstudiet har to liner, ei språkleg og ei litterær. Emnet for masteroppgåva kan liggja innanfor russisk lingvistikk, litteraturvitskap eller kulturhistorie.

Opptaksgrunnlag

Mastergradsstudiet byggjer på ein bachelorgrad med spesialisering i russisk på 90 studiepoeng. Studentar som ønskjer å søkje opptak til masterprogram i russisk på anna grunnlag enn det som er oppgitt å vere godkjent spesialisering i russisk (sjå studieplanen for det aktuelle faget), må søkje om godkjenning på førehand, seinast innan 1. mai. Slike søknader må innehelde karakterutskrift/vitnemål, pensumliste og beskriving av dei emna søkjaren meiner skal erstatte ei ordinær spesialisering.

Ei eventuell godkjenning må leggjas ved søknaden til masterprogrammet.

Emneoversikt

Studiet består av ei masteroppgåve (60 studiepoeng) og fire emne som alle har 15 studiepoeng. To av desse emna er felles (RUS301 og RUS302), eitt er obligatorisk (RUS303), og eitt er valfritt og kan eventuelt erstattast av eit emne frå eit anna fag (RUS304/305).

RUS301 Russisk språkhistorie og språkstruktur, 15 sp. Semester: Haust. Obligatorisk: Ja

RUS302 Tekst og skriftleg russisk, 15 sp. Semester: Haust. Obligatorisk: Ja

RUS303 Særemne i russisk språk-, litteratur- eller kulturvitskap, 15 sp. Semester: Haust/Vår. Obligatorisk: Ja

RUS304 Fordjuping i russisk litteraturvitskap, 15 sp. Semester: Vår. Valfritt

RUS305 Fordjuping i russisk språkvitskap, 15 sp. Semester: Vår. Valfritt

RUS350 Masteroppgåve, 60sp. Obligatorisk: Ja

Fullstendig oversikt over innhaldet i emna finn du under emneomtalane.

Studiet byggjer på fullført bachelorgrad eller tilsvarande utdanning teken i Noreg eller utlandet. Bachelorstudiet må omfatte ei spesialisering i russisk på minst 90 studiepoeng. Viss du har studert ved ein lærestad som har krav om minimum 80 studiepoeng spesialisering/fordjuping, vil dette bli akseptert som opptaksgrunnlag. Studentar som ønskjer å søkje opptak til masterprogram i russisk på anna grunnlag enn det som er oppgitt å vere godkjent spesialisering i russisk (sjå studieplanen for det aktuelle faget), må søkje om godkjenning på førehand, seinast innan 1. mai. Slike søknader må innehelde karakterutskrift/vitnemål, pensumliste og beskriving av dei emna søkjaren meiner skal erstatte ei ordinær spesialisering. Ei eventuell godkjenning må leggjas ved søknaden til masterprogrammet.

Masteroppgåva i russisk gir deg høve til å konsentrere russiskstudiane omkring eit språkleg, litterært eller kulturhistorisk emne. Du som skriv ei kulturhistorisk oppgåve, vel den linja (språkleg eller litterær) som byggjer best opp om emnet. Oppgåva skal vere eit sjølvstendig vitskapleg arbeid. I oppgåva skal du dokumentere evne til kritisk refleksjon og vise at du meistrar den framstillingsforma som høyrer til sjangeren. Du skal også vise god innsikt i emnerelevant teori og metode.

Du kan velje om du vil skrive ei masteroppgåve innanfor russisk lingvistikk, litteraturvitskap eller kulturhistorie. Masteroppgåva skal skrivast om eit sjølvvalt emne som skal godkjennast av rettleiaren. I oppgåva må du dokumentere evne til sjølvstendig, kritisk og metodisk arbeid og meistre den framstillings- og dokumentasjonsteknikken som høver for emnet. Rettleiing i masteroppgåva er obligatorisk. Instituttet tilbyr rettleiing i eit breitt spekter av emne, men ein må ta atterhald om at det ikkje er kapasitet til å gi rettleiing i alle emne.

Eit masterprogram i russisk kan sjå slik ut:

1. semester:
RUS301 Russisk språkhistorie og språkstruktur 15sp
RUS302 Tekst og skriftleg russisk 15 sp

2. semester:
RUS303 Særemne i russisk språk-, litteratur- eller kulturvitskap
RUS304 Fordjuping i russisk litteraturvitskap 15 sp eller
RUS305 Fordjuping i russisk språkvitskap 15 sp

3. og 4. semester:
RUS350- Masteroppgåve 60 sp

Masterprogrammet i russisk kvalifiserer til undervisning på høgare nivå og for variert arbeid både i offentleg og privat sektor på felt der det internasjonaliserte samfunnet set høge krav til både språk- og kulturkunnskapar. Andre yrkesvegar kan for eksempel vere arbeid innanfor formidling, forlagsverksemd og omsetjing. Studiet kan dessutan danne grunnlag for forskarutdanning i russisk lingvistikk, litteraturvitskap eller kulturforsking.

Litteraturliste finn ein på Mitt UiB

Lista vil vere klar innan 01.06 / 01.12 for det komande semesteret.

Masterprogrammet i russisk er normert til fire semester fulltidsstudium. Hovudopptaket er i haustsemesteret. RUS301 og RUS302 er fellesemne. RUS303 er eit spesialiseringsemne (emnekrins). Emnekrinsen blir valt i samråd med faglærar eller rettleiar. Seksjonen har framlegg til emnekrinsar, og tilbyr undervisning i desse alt etter kva lærarressursar som er tilgjengelege.

I teoriemna (RUS304/305) vel studentar med litterær line RUS304, medan dei med språkleg line vel RUS305. RUS304 og RUS305 vert ikkje tilbydd våren 2012 men kan erstattast med eit teoriemne på 300-nivå som er teke inn frå eit anna fag, til dømes litteraturvitskap eller lingvistikk, eller felleskurs på Det humanistiske fakultet.

Me vil rå studentane til å ta fellesemna RUS301 og RUS302 i første haustsemester. Førebuingane til masteroppgåva bør skje parallelt. Du får rettleiar i første semesteret, og emnet for oppgåva skal fastsetjast

seinast i andre semester, der du også skal skriva kontrakt med rettleiaren. I det same semesteret skal du utarbeida ei prosjektskisse som blir drøfta på avhandlingsseminaret til seksjonen.

Døme på tilrådd progresjon med start om hausten:
1. semester RUS301 og RUS302
2. semester RUS303 og anbefalt litteraturemne eller språkemne på 300 nivå (f.eks. RUS304 eller RUS305 når tilbydd)
3. semester RUS350
4. semester RUS350

Døme på tilrådd progresjon med start om våren:
1. semester RUS303 og anbefalt itteraturemne eller språkemne på 300 nivå (f.eks. RUS304 eller RUS305 når tilbydd)

2. semester RUS301 og RUS302
3. semester RUS350
4. semester RUS350