Vår - neste gong våren 2015. Emnet har eit avgrensa tal plassar. Studentar med emnet som obligatorisk i sin studieplan blir prioritert.
Mål og innhald
Laboratoriekurset er primært for studentar som skal ta Masterprogrammet i biologi (studieretning mikrobiologi) og krev at du har teke http://www.uib.no/emne/BIO215BIO215 Mikrobiologi. Emnet gjev ei innføring i grunnleggjande mikrobiologiske teknikkar og arbeidsmetodar. Laboratorieøvingane gjev erfaring i å anrike, dyrke, isolere, og utføre genetiske analyser av mikroorganismar, óg å undersøkje deira fysiologiske og genetiske eigenskapar og aktivitet, som vekst, metabolisme og interaksjonar. Vidare vil det verte gjeve innføring i mikrobielle analysar av miljøprøvar (vannanalysar) og metodar for identifikasjon av ukjende bakteriar. Emnet skal også gje erfaring i å planlegge, gjennomføre, rapportere og presentere vitskapelege undersøkingar/eksperiment både munnleg og skriftleg.
Læringsutbyte
Etter fullført emne vert det forventa at studentane:
Har god teoretisk og praktisk kunnskap om grunnleggande mikrobiologiske teknikkar og arbeidsmetodar
Har praktiske ferdigheiter i dyrking, isolering, karakterisering og genetisk analyse av mikroorganismar
Har forståing for korleis mikrobielle undersøkjingar vert planlagt, gjennomført og rapportert
Kan behandle data frå mikrobiologiske eksperiment, og gjere naudsynte berekningar
Kan presentere mikrobielle undersøkjingar/eksperiment skriftleg og munnleg
Krav til forkunnskapar
BIO215 Mikrobiologi eller tilsvarande
Tilrådde forkunnskapar
Obligatoriske delar av bachelor i biologi.
Krav til studierett
For oppstart på emnet er det krav om at du har ein studierett knytt til eit bachelor/masterprogram/ph.d-utdanninga ved Det matematisk-naturvitskaplege fakultet, samt at du oppfyller ev. opptakskrav.
Undervisningsformer og omfang av organisert undervisning
Kursøvingar 16 timar per veke
5 veker
Totalt 80 timar praktisk laboratoriearbeid
Obligatorisk undervisningsaktivitet
Godkjent laboratoriejournal.
Vurderingsformer
Laboratoriejournal (tel som 25%). Munnleg eksamen (tel som 75%)
Karakterskala
Ved sensur av emnet vert karakterskalaen A-F nytta.
Fagleg overlapp
5 sp overlapp med MIK200. 5 sp overlapp med MIK203. Ta kontakt med studirettleiar dersom du har eit eller begge av desse emna.
Vurderingssemester
Det er ordinær eksamen kvart semester. For å ta eksamen i semester utan undervising må du ha godkjente obligatoriske aktivitetar som er gyldig.
Emneevaluering
Studentane skal evaluere undervisninga i tråd med UiB og instituttet sitt kvalitetssikringssystem.
Kontaktinformasjon
Kontakt studierettleiar ved BIO: studie@bio.uib.no