Vår

Fagdidaktikk i fransk inngår som ein del av universitetet sin fransklærarutdanning. Sentralt i studiet er spørsmål knytte til kompetanseutvikling i fransk og til utvikling av fagdidaktisk refleksjon og handling.

Eit grunnleggjande spørsmål er korleis franskfagleg kunnskap kan verta utvikla og relatert til det å vere fransklærar. Særs viktig er det å utvikle forståing for korleis eigen språkkompetanse, innsikt i språket og innsikt i eigne læringsprosessar kan vere bidrag i arbeidet med å leggje til rette for elevane si språklæring.

Når det er mogleg, er studiet organisert slik at noko av undervisninga er tilbod på tvers av språkfaga for å understreke ein kunnskapsteoretisk samanheng og danningsmålsetjingar som er felles for språkfaga i skolen.

Studiet består av fire målområde:

• Faget sin eigenart og utvikling
• Teoriar om tekst, kommunikasjon og språklæring
• Tilrettelegging for fransklæring og utvikling av elevane si innsikt i eiga læring
• Lærarstøtte og vurdering

Gjennom studiet skal studentane utvikle innsikt i franskfaget sitt kultur- og danningspotensiale og kunne gjere greie for faget si utforming og samfunnsmessige grunngjeving både historisk og i eit samtidsperspektiv. Dei skal setje seg inn i teoriar om tekst, kommunikasjon og språklæring og kunne bruke desse i arbeidet med å fremje alle elevane si læring i fransk.

Studentane skal:

• kunne vurdere franskundervisning med omsyn til nasjonale læreplanar og elevane sine ulike læringsmåtar.
• skal utvikle evne til å planleggje og gjennomføre tilrettelegging av læringssituasjonar som er formålstenlege for den einskilde elev si språklæring og dei måla som er nedfelte i læreplanane.
• utvikle evne til å støtte elevane i deira arbeid med å lære fransk og lære å lære.
• kunne vurdere elevane si læring i fransk både med omsyn til prosess og sluttkompetanse.
• vidareutvikle evne til å reflektere over og vurdere eiga undervisning for å kunne fornye og utvikle den fagdidaktiske kompetansen i fransk, irekna den digitale kompetansen.
• kunne uttrykkje seg munnleg og skriftleg på fransk innan fagfeltet.

- om lag 24 timar førelesingar

- Rettleiing og skolebesøk

Undervisninga er både virtuell og ansikt til ansikt.

For å kunne gå opp til eksamen må studentane innan fastsette tidsfristar:

• ha teke aktivt del i ein forumsdiskusjon på nettet der sentrale fagdidaktiske spørsmål vert drøfta i lys av eigne praksiserfaringar og fagdidaktisk teori
• ha publisert praksisloggar i praksisperioden
• ha delteke i eit etterarbeid knytt til avtalt tema.
• pensumlista skal godkjennast av faglærar innan et fastsett tidspunkt

Det er obligatorisk frammøte på minst 75% av undervisningane , og organiseringa av undervisninga har dette som utgangspunkt.

Eksamensforma er en rettleidd prosjektoppgåveeller ein munnleg eksamen med utgangspunkt i digital prosessmappe. Eksamensspråk er norsk eller fransk.

Prosjektoppgåva skal ha eit omfang på ca 5000 ord, litteraturliste og vedlegg ikkje medrekna.

Den munnlege eksamen varar om lag 30 minutt.

mailto:studieveileder@if.uib.nostudieveileder@if.uib.no