Vår

Fagdidaktikk i spansk inngår som ein del av spansklærarutdanninga ved universitetet.

Spanskdidaktikk 2 (DIDASPA2) er ei vidareføring av Spanskdidaktikk 1 (DIDASPA1).

Sentralt i emnet er spørsmål knytte til korleis spanskfagleg kunnskap kan verte utvikla og relatert til det å vere spansklærar. Særs viktig er det å utvikle forståing for eigen språkkompetanse og innsikt i språket, og innsikt i eigne læringsprosessar kan vere bidrag i arbeidet med å leggje til rette for språklæring.

Eit grunnleggjande spørsmål er kva det vil seie å kunne spansk i dagens samfunn.

Spesielt viktig er det å utvikle innsikt i læring i spansk som mangfaldige og individuelle prosessar.

Når det er mogleg, er studiet organisert slik at noko av undervisninga er tilbod på tvers av språkfaga for å understreke ein kunnskapsteoretisk samanheng og danningsmålsetjingar for språkfaga i skolen.

Studiet er sett saman av fire målområde:

• faget sin eigenart og utvikling
• teoriar om tekst, kommunikasjon og språklæring
• tilrettelegging for spansklæring og utvikling av elevane si innsikt i eiga læring
• lærarstøtte og vurdering

Gjennom studiet skal studentane utvikle innsikt i spanskfaget sitt kultur- og danningspotensial og kunne gjere greie for faget si utforming og samfunnsmessige grunngiving både historisk og i eit samtidsperspektiv. Dei skal setje seg inn i teoriar om tekst, kommunikasjon og språklæring og kunne bruke desse i arbeidet med å fremje elevane si læring i spansk.

• Studentane skal:
• kunne vurdere spanskundervisning med omsyn til nasjonale læreplanar og elevane sine ulike læringsmåtar.
• utvikle evne til å planleggje og gjennomføre tilrettelegging av læringssituasjonar som er formålstenlege for den einskilde elev si språklæring og dei mål som er nedfelte i læreplanane.
• utvikle evne til å støtte elevane i arbeidet med å lære spansk og lære å lære.
• kunne vurdere elevane si læring i spansk både med omsyn til prosess og sluttkompetanse.

- om lag 24 timar førelesingar

- rettleiing

Om det melder seg færre enn fem studentar til eit emne, kan undervisningstilbodet bli tilpassa studenttalet. Studentane vil i så fall bli informerte om det alternative undervisningsopplegget ved semesterstart, og før semesterregistreringsfristen 1. februar/1. september.

Undervisninga er både nettbasert og i form av førelesingar.

For å kunne gå opp til eksamen må studentane innan fastsette tidsfristar:

• ha tatt aktivt del i ein forumdiskusjon på nettet der sentrale fagdidaktiske spørsmål vert drøfta i lys av eigne praksiserfaringar og fagdidaktisk teori
• ha publisert praksisloggar i praksisperioden
• ha deltatt i eit etterarbeid knytt til avtalt tema.

Det er obligatorisk frammøte på minst 75 % av undervisinga, og organiseringa av undervisninga har dette som utgangspunkt.

Eksamensforma er ei rettleidd prosjektoppgåve eller ein munnleg eksamen med utgangspunkt i digital prosessmappe. Eksamensspråk er norsk eller spansk.

Prosjektoppgåva skal ha eit omfang på om lag 5000 ord, vedlegg ikkje medrekna.

Den munnlege eksamenen varer om lag 30 minutt.

Kandidaten må levere ei sterkt omarbeidd oppgåve dersom ein skal levere på nytt i same emne.