Ved fullført emne:
Kunnskapar
Studenten
- har grunnleggande kunnskap om engelsk språkstruktur og om sentrale omgrep innan syntaks og morfologi
Dugleikar
Studenten
- kan bruke kunnskapane til å analysera språkleg materiale
- skal vidare ha ei viss forståing og meistring av eit presist språkvitskapleg omgrepsapparat
Generell kompetanse
Studenten
- har nok kompetanse til å kunna vidareutvikla sine kunnskapar t.d. gjennom vidare studier av engelsk lingvistikk
- kan uttrykke seg korrekt på akademisk engelsk
Ein vil sterkt rå til at studentane i tillegg til generell studiekompetanse har studiespesialiserande programfag i engelsk frå vidaregåande skole med gode karakterar. For studentar med annan bakgrunn er det tilrådd med eit engelsknivå tilsvarande B2 i samsvar med the Common European Framework of Reference for Languages.
Undervisninga føreset kunnskapar tilsvarande EXFAC00SK Språk og kommunikasjon og ENG100. Ein vil sterkt rå til at studentane har teke desse emna før dei byrjar på engelskstudiet.
Emnet er ope for alle med studierett ved UiB. Personar utan studierett kan søkje Det humanistiske fakultet om å få gå opp til særskild eksamen.
For exchange students:
Qualified applicants have to pass a diagnostic test when arriving in Bergen (more information about the test will be sent to applicants by email).
Forelesning og grupper: opp til 36 timer.
Det er venta at studentane er til stades og tek aktivt del i undervisninga. Dette ligg også til grunn for førebuing til eksamen.
Det blir arrangert eksamen kvart semester. Regulær eksamen på slutten av vårsemesteret og utsett eksamen midt i haustsemesteret. Eksamen er ein fire timars skoleeksamen. Ingen hjelpemiddel er tillatne ved eksamen.
Skoleeksamen kan bli digital.