Vår
Etter fullført emne skal kandidaten
- ha innsikt i dei utvalte pensumverka i litteratur
- ha kunnskap om den kulturhistoriske konteksten til dei litterære verka
- ha kunnskap om sentrale romantekniske omgrep
- kunna bruka dei tileigna romantekniske omgrepa i sjølvstendige analysar av dei litterære pensumtekstane
- kunna analysera tekstane tematisk og i kulturhistorisk perspektiv
- kunna drøfta skriftleg og munnleg problemstillingar knytte til pensum
- kunna formidla kunnskapar innanfor eige fagområde på munnleg og skriftleg fransk
- kunna planleggja og gjennomføra arbeidsoppgåver som strekkjer seg over ei viss tid
- kunna vidareutvikla kunnskapane sine, dugleik og forståing gjennom vidare studium og yrkesliv
Førelesingar, seminar og rettleiing, 3 timar per veke i om lag 9 veker.
Undervisninga er felles med FRAN253.
Om det melder seg færre enn fem studentar til eit emne, kan undervisningstilbodet bli tilpassa studentalet. Studentane vil i så fall bli informerte om det alternative undervisningsopplegget ved semesterstart, og før semesterregistreringsfristen 1. februar/1. september.
Det blir kravd at studentane deltek på minimum 75% av førelesingar/seminar for å få gå opp til vurdering i emnet.
Studentane skal seinast fire veker før eksamen få godkjent eit munnleg innlegg (ca 15 minutt) knytt til pensum i emnet. Studentane utarbeider innlegget i samråd med faglærar. Manuskriptet til innlegget skal leverast samstundes med innlegget.
I samband med semesteroppgåva skal det vera minst eitt rettleiingsmøte.
Dei obligatoriske arbeidskrava er godkjende i eitt semester utover undervisningssemesteret.
Oppmøte og munnleg innlegg må vera godkjende i undervisningssemesteret, men rettleiing vert gitt ved eventuell ny eksamen i det undervisningsfrie semesteret.
Eksamen er ei semesteroppgåve på om lag 3000 ord i fransk litteratur, skriven på 4 veker mot slutten av semesteret. Ein skal skriva oppgåva på fransk.
Som avslutning på emnet vert det arrangert ein munnleg eksamen i litteraturpensumet. Prøva skal samstundes syna den munnlege dugleiken i fransk hjå kandidatane.
Munnleg og skriftleg eksamensdel tel 50 prosent kvar av samla karakter i emnet. Begge prøvene må vere greidde i same semester.