Norsk

Vår

Mål:

Emnet har som mål å gi innsikt i og forståing av korleis landformer vert danna og dei prosessane som ligg til grunn. I tillegg skal emnet gi generell kunnskap om korleis natur set grenser for menneskeleg aktivitet. Ved emneslutt skal studenten sjølv kunne identifisere ulike landformer, mellom anna ved hjelp av kart og flyfoto, forstå korleis dei blir danna og teoriane bak, og vere fortruleg med omgrep og fagterminologi.

Emnet skal formidle forståing for korleis naturlege/geologiske prosessar verkar på ulike skala i tid og rom og deira relasjon til endringar i klimatiske forhold , og dei samfunnsmessige konsekvensane det har.

Innhald:

Emnet introduserer det geofaglege innhaldet i naturgeografien. Emnet gir ei systematisk innføring i ulike landformdannande prosessar som forvitring, masserørsle, glasiale-, fluviale-, eoliske- og marine prosesser, deira verkemåte og samhandling og teoriar knytt til desse. Tema er generelle, men med særskild fokus på norske landformer. Det vil også bli gitt ei viss innføring i grunnleggjande geologi samt ei innføring i generell hydrologi og pedologi (jordsmonnlære).

Studiet avsluttar med eit feltkurs kor kunnskapar blir utøvd i praksis og vist gjennom ein innlevert rapport (gruppearbeid) som vert vurdert.

• greie ut om dei viktigaste landformdannande prosessane i Noreg og globalt.
  
• gjere greie for dei samfunnsmessige konsekvensane av naturgitte forhold og naturressursar i Noreg og andre land.
  
• greie ut i grove trekk om klima på jorda i fortida.
• gjere greie for dei store trekka i Noreg si geologiske historie.
• gjere greie for dei store trekka i istidshistoria i Noreg og Skandinavia.
• identifisere prosessmiljø ute i naturen.
• greie ut om samspelet mellom naturprosessar og menneskeleg aktivitet.
• gjennom ei praktisk kvartærgeologisk kartlegging greie ut om kva landformdannande prosessar som har forma eit landskap.

2-3 førelesingar á 2 timer pr veke. Totalt 24-26 førelesingar

1 heildagsekskursjon

1 feltførebuande seminar á 2 timer pr. veke. Totalt 3 seminar

1 feltkurs 4-5 dagar

Studentane må betale ei feltkursavgift på dette emnet.

I emnet nyttar ein følgjande vurderingsformer:

• Gruppevis feltrapport (20 %)
• Skriftleg eksamen 5 timer (80 %)

Begge delar må vere bestått for å få karakter i emnet.

Karakterskala A-F

GEOL106 - 10 studiepoeng reduksjon

GEOG111 - 15 studiepoeng i reduksjon

GEOV106 - 10 studiepoeng i reduksjon

GEOV101- 5 studiepoeng i reduksjon

Vår

Institutt for geografi

Studieveileder@geog.uib.no