Emner: KJEM333 Organisk massespektrometri - Høst 2017

Undervisningsspråk

Engelsk.

Undervisningssemester

Vår. Emnet har eit avgrensa tal plassar og inngår i undervisningsopptaket. Meir info: http://www.uib.no/matnat/utdanning/studiehverdag/undervisningsopptaket

Masterstudentar har fyrsteprioritet på emnet.

Undervisningsstad

Bergen.

Mål og innhald

Emnet samanfattar metodar og teknikkar innan massespektrometri. Ulike typar instrument og bruken av instrumenta blir samanlikna. Systematisering av fragmentering vil bli drøfta og tolking av spektra vil bli vektlagt. Strukturfastsetting av kompliserte og polyfunksjonelle molekyl blir illustrert.Praktiske øvingar demonstrerer ulike teknikkar innanfor massespektrometri.

Læringsutbyte

Etter fullført emne KJEM333 skal studenten kunne:

samanlikne metodar og teknikkar innan massespektrometri.
identifisere og samanlikne fragmenteringsmekanismar.
tolke spektra av mono- og polyfunksjonelle organiske sambindingar.
trekkje konklusjonar om ukjente strukturar på basis av deira massespektra.

Krav til forkunnskapar

KJEM130 eller tilsvarande.

Tilrådde forkunnskapar

KJEM 110, KJEM120, KJEM121/KJEM122, KJEM130, KJEM131 og KJEM210.

Krav til studierett

For oppstart på emnet er det krav om ein studierett knytt til eit masterprogram/Ph.d-utdanninga ved Det matematisk-naturvitskaplege fakultet, samt at du oppfyller ev opptakskrav.

Undervisningsformer og omfang av organisert undervisning

Forelesning: 4 timar per veke.

Laboratoriekurs.

Obligatorisk undervisningsaktivitet

Obligatoriske arbeidskrav: deltaking på lab. Obligatoriske aktivitetar er gyldige i ti påfølgjande semester. Godkjent HMS-kurs. Dersom du ikkje har godkjend HMS-kurs ved Kjemisk institutt, UiB frå tidlegare, må kurset takast same semester i forkant av undervisninga. Meir om HMS-kurset på adresse: http://www.uib.no/kj/utdanning/obligatorisk-hms-kurs

Vurderingsformer

Skriftleg eksamen (4t).

Tillatne hjelpemiddel: Enkel kalkulator i samsvar med modell oppført i fakultetets reglar.

Karakterskala

Ved sensur av emnet vert karakterskalaen A-F nytta.

Fagleg overlapp

K333: 6stp, KJEM233: 10stp.

Vurderingssemester

Det er ordinær eksamen kvart semester.

Emneevaluering

Studentane skal evaluere undervisninga i tråd med UiB og instituttet sitt kvalitetssikringssystem.

Kontaktinformasjon

Forelesar og administrativ kontaktperson finn du på Mitt UiB, kontakt ev studiekonsulenten på instituttet.