Emner: MABARN312 Tiltak i barnevernet, implementering og evaluering - Vår 2017

Studiepoeng

10.0

Studiepoeng, omfang

10 studiepoeng

Studienivå (studiesyklus)

Master

Undervisningsspråk

Norsk/engelsk

Undervisningssemester

Vår

Mål og innhald

Emnet skal gje studentane auka kunnskap om og refleksjon rundt barnevernet sine tiltak med hovudfokus på evaluering og implementering. Ulike metodar for å vurdere kvaliteten av tiltak vil bli gjennomgått med relevans for ulike praksisfelt i barnevernet. Vidare skal emnet gje studentane kunnskap om å planleggje og å gjennomføre evaluering av tiltak i barnevernet. Forståinga for og kunnskapar om tema som kartleggingsverktøy, implementeringsdrivarar og tverrfagleg samarbeid er sentralt. Evalueringsstudiar med relevans for barnevernsfeltet vil bli brukt i undervisninga.

Læringsutbyte

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap:

Studenten...

- har inngåande kunnskap om sentrale omgrep, samt metodar innan evaluerings- og implementeringsforsking

- har utdjupande kunnskap om samanhengen mellom målgruppe, føremål, tiltak og resultat av igangsetjing av barnevernstiltak

- har inngåande kunnskap om sentrale implementerings- og evalueringsstudiar med relevans for barnevernsfeltet

- har god kunnskap om faktorar som hemmar og fremjar tverrfagleg samarbeid

Ferdigheiter:

Studenten...

- kan bruke og vurdere kartleggingsverktøy knytt til barnevernet sitt tiltaksarbeid

- kan bruke kunnskapsdatabasar og kunnskapsstatusar som er relevante for barnevernet sitt tiltaksarbeid

- kan planleggje og gjennomføre systematiske evalueringar av tiltak i barnevernet

- kan tolke resultat og vurdere validitet i konklusjonar frå studiar med evalueringsdesign, med særleg vekt på effektstudiar

Generell kompetanse:

Studenten...

- kan kritisk reflektere over samanhengen mellom teori og forsking i iverksetjing av tiltak

- kan reflektere over internasjonal spreiing av intervensjonar og tilpassingar til einskilde målgrupper med fokus på etniske minoritetsgrupper

- kan bruke evalueringsresultat i utviklinga av eigen praksis

- kan kritisk reflektere over implementering og kva denne har å seie for å oppnå effektar av tiltak

- kan reflektere over kva systematisk evaluering for kvalitetssikring i barnevernet har å seie

Krav til forkunnskapar

Ingen

Krav til studierett

For studenter som er tatt opp ved masterprogrammet i barnevern

Undervisningsformer og omfang av organisert undervisning

Undervisninga skjer på to/tre samlingar à to/tre dagar. Det blir til saman gjeve 18 førelesingstimar og 12 timar seminar/gruppeorganisert undervisning. Det er venta at studentane set seg inn i relevant litteratur og arbeider aktivt i grupper.

Obligatorisk undervisningsaktivitet

Det blir lagt opp til ein skriftleg og munnleg presentasjon av eit gruppebasert arbeid. Rettleiing vil bli gjeve.

Deltaking i gruppebasert oppgåve er obligatorisk.

Vurderingsformer

Heimeeksamen, 5 dagar.

Talet på ord: 3000 (litteraturliste ikkje inkl.).

Karakterskala

Ved sensur av emnet brukes karakterskalaen A til F.

Vurderingssemester

Vår

Det er tilbod om eksamen i påfølgjande, undervisingsfrie semester. Studenten må ha greidd alle obligatoriske arbeidskrav i undervisingssemesteret.

Litteraturliste

Litteraturlista vil vere klar innan 1. desember for vårsemesteret. Kjernelitteraturen for emnet utgjer ca. 1000 sider. Lista inneheld både norsk og engelskspråkleg litteratur.

Emneevaluering

Studentene skal evaluere undervisningen i tråd med UiB sitt kvalitetssikringssystem.

Emneansvarleg

HEMIL-senteret.

Administrativt ansvarleg

Det psykologiske fakultet v/ HEMIL-senteret har det administrative ansvaret for emnet og studieprogrammet.

Kontaktinformasjon

Informasjonssenteret: mailto:studierettleiar.psyfa@uib.nostudierettleiar.psyfa@uib.no

Tlf 55 58 27 10 (hverdager 09.30-14.30)