Emnet MED4 gir kunnskap om korleis kroppen er bygd og fungerer, med vekt på indre organ. Homeostatiske prinsipp, og forståing av korleis organismen reagerer på forstyrringar i homeostasen blir vektlagd. Emnet gir og kunnskap i basal og klinisk mikrobiologi, miljømedisin og samfunnspåverknad samt allmennmedisin. Trening i akademisk lesing og skriving fortsetter frå MED3, samt ein introduksjon til forskingsetikk.
Studentane skal i ei vekes praksis ved sjukehus, og i tillegg ein halv dags utplassering i allmennmedisin.
Etter fullført emne skal studenten ha kunnskap om:
- menneskekroppen sin oppbygnad og funksjon
- samanhengen mellom struktur, celletype og organfunksjon
- kontroll av celle- og organfunksjon ved hjelp av endokrine, parakrine, autokrine og nervøse mekanismar
- konsekvensar og tilpassingar ved bortfall av normal funksjon i utvalde komponentar i systema nemnt i punktet over
- kva for endringar og tilpassingar på molekylært, cellulært, organ- og heile kroppen sitt nivå som vert utløyst av graviditet, kjønnsmodning, fysisk krevjande arbeid, nedsett organfunksjon og ytre faktorar som omgivnadstrykk, temperatur, medikament, kjemiske substansar og mikroorganismar
- grunnleggande kliniske metodar knytt til vanlege presentasjonssymptom i allmennpraksis
- koordinatorfunksjonen og organisering av allmenn- og fastlegepraksis
- miljøet sin innvirkning på menneska si helse, vitskapen om den sjukdomsførebyggande og sunnheitsfremjande medisin
Ferdigheiter; etter fullført emne kan studenten
- forklare korleis menneskekroppen fungerer og kva for endringar og tilpassingar på molekylært, cellulært, organ- og heile kroppen sitt nivå som vert utløyst av utvalde ytre faktorar og sjukdom
- dissekere og identifisere organ og strukturer i anatomiske preparat og vite korleis desse er relatert til kvarandre.
- identifisere celletypar og opphavsorgan frå histologiske preparat ved hjelp av lysmikroskop
- undersøke menneske og kunne projisere organa i normal posisjon, storleik og form.
- utføre utvalde fysiologiske forsøk og analysere og forstå resultata frå desse forsøka
- utføre EKG og spirometri-opptak (nivå 1 i prosedyrelista) og grunnleggande tolking av disse
- manuellblodtrykksmåling på armen (nivå 1)
- urinmikroskopi og stix (nivå 1) og grunnleggjande tolking av disse
- utføre undersøking av perifer sirkulasjon og systolisk blodtrykksmåling på ankelen (nivå 1)
- prøvetaking og handtering av mikrobiologiske og serologiske prøver (nivå 2)
- prøvetaking og handtering av venøs blodprøve til blodkultur (nivå 1)
- framstille og vurdere grampreparat (nivå 2)
- dyrke og identifisere dei viktigaste patogene mikroorganismane
- bruke hurtigtestar for påvising av mikrober og antistoff (nivå 1)
- identifisere, analysere og handtere vanskelige etiske dilemma
Generell kompetanse, studenten skal kunne:
- forstå etikken bak det å gje kroppen sin til disseksjon , og vise respekt gjennom verdig framferd
- ha god kjennskap til normal anatomi og fysiologi og integrere den basale kunnskapen for å forstå og forklare ulike sjukdommar og tilstander
- forklare normalfunksjon og sjukdom ved å integrere kunnskap frå fleire fag og emne og bruke denne kunnskapen til å nærme seg legeyrket på en god og forsvarlig måte.
- det grunnleggande i konsultasjonsprosessen og ha evne til refleksjon over legerollen og utøvinga av legeyrket
- skriftleg og munnleg formidling av kompleks og samansett informasjon
- vurdere vitskapeleg usikkerheit, motsetnader og hypotesar
mailto:studie@biomed.uib.nomailto:studie@biomed.uib.no Institutt for biomedisin
studie@biomed.uib.no
(+47) 55 58 64 39 / 55 58 64 40 / 55 58 60 95 / 55 58 63 33
Emneansvarleg:
Olav Tenstad, http://uib.no/personer/Olav.Tenstad
Ulike faglege ansvarlege for kvar del av emnet.