Haust for A-kullet, vår for B-kullet

Dette emnet høyrer til studieplanen frå 2005, som vi held på å avvikle. Siste semester for undervisning og ordinær vurdering/eksamen i emnet er våren 2017.

 Overordna mål:

Innføring til allmennmedisinske kunnskapar, dugleikar, haldningar og utøvd kompetanse.

Innhald:

Allmennmedisin er læra om handtering av sjukdommar og plager slik dei presenterer seg i førstelinetenesta. Frå eit medisinsk fagleg utgangspunkt gir allmennpraktikaren ein heilskap, der personleg og kontinuerleg helseomsorg for individet og familien er basert på ei biologisk, psykologisk og sosial individforståing. Faget omhandlar klinisk diagnostikk, behandling, oppfølging og førebygging av sjukdommar som vert ferdigbehandla i allmennpraksis og av tilstander som krevjar samhandling mellom ulike deler av helsevesenet. Andre sentrale disiplinar er klinisk kommunikasjon, konsultasjonen og lege-pasient-tilhøvet som arbeidsreiskap. Det sosiale særpreget til allmennmedisinen og allmennpraktikaren si særskilte innsikt i familie og lokalsamfunn hører også med

Kunnskap

Etter fullført emne skal studentane

• kjenne til allmennmedisinske rammer og arbeidsmetodar
• kjenne til fastlegens arbeidsoppgåver
• kjenne til livsløpet og konsekvensar for helse
• kjenne til effektive tiltak som fremmer helse og førebygger sjukdom og funksjonssvikt

Ferdigheiter

Etter fullført emne skal studentane

• kunne nytte pasientsentrert konsultasjonsteknikk der klinisk kommunikasjon, oppbygging av konsultasjonen og lege-pasient-forhold er sentralt
• vere i stand til å involvere pasient og pårørande i den diagnostiske prosess og plan for behandling og oppfølging

Generell kompetanse

Etter fullført emne skal studentane

• forstå allmennmedisin som lavterskeltilbod ved alle typar helseproblem, og allmennlegens rolle som koordinator av ulike helsetenestar basert på kontinuiteten i lege-pasient-forholdet
• ha innblikk i samhandlinga mellom ulike aktørar i primærhelsetenesta og spesialisthelsetenesta rundt pasientar med ulike problemstillingar
• ha innblikk i og kunne diskutere vanlege etiske problemstillingar som leger møter i allmennpraksis
• ha innblikk i og kunne diskutere medisinens og eigen feilbarlighet

Undervisninga vekslar mellom studentsentrert undervisning der studentane må vere aktive bidragsytarar, basert på dialog og refleksjon, og meir tradisjonell undervisning med førelesingar

Studentane gir kategoribunden og fritekstevaluering, lærarkollegiet gir systematiske refleksjonar.

Oppfølging: Evalueringsresultata vert samanhaldne med undervisningsmål og innhald, og endringar vert fortløpande implementert. Studentar og lærarar vert haldne orienterte om konsekvensane av kvalitetsarbeidet.

Institutt for global helse og samfunnsmedisin.

e-post: mailto:studie@igs.uib.nostudie@igs.uib.no

tel: 55586100

Emneansvarleg:

Eivind Meland

 http://www.uib.no/personer/Eivind.Melandhttp://www.uib.no/personer/Eivind.Meland