Dette emnet høyrer til studieplanen frå 2005, som vi held på å avvikle. Siste semester for undervisning og ordinær vurdering/eksamen i emnet er våren 2018.

Kurset fokuserer på fattigdomsrelaterte helseproblem i låg- og mellominntektsland. Dette inkluderer diagnostikk og klassifikasjon av sjukdommar, pasientbehandling (inkludert rehabilitering), førebygging og helsefremjande arbeid. Med hjelp av eksempel på viktige helse- og demografiske indikatorar i dagens høginntektsland er målet å gi betre forståing av situasjonen og utviklingstrekka i låginntektsland.

Ein vil i undervisinga sjå nærare på samspelet mellom utvikling og helse, og har som mål å gi studentane kunnskap om korleis ein kan lette sjukdomsbøra i den fattige delen av verda med hjelp av moderne teknologi som vaksinasjon, ved å fremja adekvat ernæring, betre dei hygieniske tilhøva og ved betre utnytting av eksisterande helsetenester. Rolla til legar i konfliktar og katastrofar situasjonar vil også bli utdjupa.

På lesedagen for kursuka kan det givast ein demonstrasjon av parasittar der ein får sjå malariapreparat og fecesprøvar i mikroskop. Denne delen er frivillig.

Kunnskapar:

Etter fullført kurs ventar ein at studentane

• skal kunne forklare viktige skilnader og likskapar mellom rike og fattige land når det gjeld helsemessige og demografiske utviklingstrekk
• skal kunne beskrive store folkesjukdommar som tuberkulose, diare og luftvegsinfeksjonar, samt underernæring, kvinnehelse, mor/barn problematikk og sjukdommar som kan førebyggast med vaksine
• Skal kunne beskrive helseproblem som er relatert til krig og katastrofar.

Ferdigheiter:

Etter fullført kurs ventar ein at studentane

• skal kunne diskutere korleis store folkesjukdommar påverkar samfunnsutviklinga
• forstår korleis ulike verkemiddel kan betre folkehelsa
• diskutera korleis legar kan førebygge vald ved primær, sekundær og tertiær førebygging

Generell kompetanse:

Etter fullført kurs skal studentane

• kunne ha eit globalt perspektiv på utøving av legegjerning
• kunne forstå konsekvensar av aukande globalisering for medisinsk tenking

Institutt for global helse og samfunnsmedisin, Senter for internasjonal helse

Tel: 55588560; e-post: studie.cih@.uib.no

Emneansvarlig: Sven Gudmund Hinderaker