Dette emnet høyrer til studieplanen frå 2005, som vi held på å avvikle. Siste semester for undervisning og ordinær vurdering/eksamen i emnet er hausten 2017.

Dersom det er studentar utan bestått resultat i emnet, vert det satt opp ny vurdering/eksamen for desse studentane våren 2018 og hausten 2018. Eventuelle studentar som ønsker å forbetre eit tidlegare resultat, kan ta eksamen dersom det vert satt opp ny eksamen for kandidatar utan bestått resultat.

BAKTERIOLOGI: Undervisninga skal gje kunnskap om basal og klinisk bakteriologi og kjennskap til utvalde protozoar/parasittar, sopp og helmintar av humanpatologisk betyding.

Hovudemne er: Samansetting av den normale mikrobefloraen hos mennesket, bakterielle virulensfaktorar som bidrar til ein sjukdomsframkallande prosess, laboratoriediagnostikk, hindring av smitte og nedkjemping av infeksjonar.

VIROLOGI: Undervisninga skal gje kunnskap om basal og klinisk virologi.

Det er fire hovudemne: Korleis virusinfeksjon kan gje sjukdom, korleis vi kan førebyggje sjukdom med vaksiner, korleis ein kan behandla virusinfeksjonar, og virologisk diagnostikk.

IMMUNOLOGI OG TRANSFUSJONSMEDISIN: Undervisninga skal gje kunnskap om basal og klinisk immunologi, samt transfusjonsmedisin.

Det er tre hovudemne i immunologi: Korleis immunapparatet fungerer normalt i kampen mot infeksjonar (under dette prinsippa for vaksine), korleis feilfunksjon kan gje sjukdom, og immunologisk diagnostikk.

Hovudemne i transfusjonsmedisin er dei viktigaste blodtypeantigena og framstilling og bruk av blodceller og blodprodukt.

Bakteriologi:

Kunnskapar:

• Oppbygginga og hovudtrekk vedbakterielle mikroorganismar.
• Om prøvetaking, prøvesending, vekstvilkår, og korleis bakteriar vert karakterisert i laboratoriet - inkludert resistensundersøking
• Forklare korleis bakteriane sine eigenskapar er knytte til patogenisitet og virulens.
• Den normale mikrobefloraen hos mennesket, og kunne diskutere den rolla denne floraen spelar.
• Kjennskap til dei viktigaste protozoar/parasittar, sopp og helmintar av humanpatologisk betyding.
• Kjennskap til behandling og kunnskap om å hindre smitte og å overvinne infeksjonar.

Praktiske evner:

• Vurdere indikasjon for prøvetaking
• Tolke resultat frå laboratoriediagnostikk av bakterielle infeksjonar.

Virologi:

Kunnskapar:

• Struktur og fysikalske eigenskapar til virus, og den fundamentale forskjellen mellom RNA- og DNA-virus.
• Vite korleis virus replikerar, forstå forskjellane mellom ulike patogene prosessar, som til dømes konsekvensane av latens, samt korleis virus kan forårsake kreft.
• Kjenne til mekanismane for virusvariabilitet og konsekvensane for immunforsvaret, vaksinar og antiviral behandling.

Praktiske evner:

• Kunne indikasjon for prøvetaking, og kunne tolke resultat frå laboratoriediagnostikk av virale infeksjonar.

Immunologi og transfusjonsmedisin:

Kunnskapar:

• Ha kunnskap om korleis immunapparatet beskyttar oss mot infeksjonar, om prinsippet for vaksinering, om immunpatologienved allergi og autoimmune sjukdomar, og om immunsviktsjukdomar.

Praktiske evner:

• Kunne utføre venepunksjon. Kunne indikasjon for prøvetaking, og tolke resultat frå immunologisk diagnostikk. Kunne takle dei vanlegaste transfusjonsmedisinske problemstillingane.

Generell kompetanse:

• Forstå at å rekvirere undersøkingar som det ikkje er grunnlag for kan føre til unødig sjukeleggjering og ressursbruk.
• Syte for at pasientane får korrekt informasjon og oppfølging.
• Vite at omsynet til den individuelle blodgjevar si helse og situasjon går føre omsynet til pasientar som gruppe
• Vite at rase eller seksuell orientering ikkje betyr noko for seleksjon av blodgjevarar, men at ingen kan krevje å bli blodgjevar.

PARA I:

Bakteriologi:

Førelesingar: 11

Lab.kurs: 9

Virologi:

Førelesingar: 9

Lab.kurs: 0

Immunologi:

Førelesingar: 8

Lab.kurs: 4

PARA II:

Bakteriologi:

Førelesingar: 0

Lab.kurs: 6

Kollokvium: 4

Virologi:

Førelesingar: 0

Lab.kurs: 6

Kollokvium: 4

Immunologi:

Førelesingar: 3

Lab.kurs: 6

Kollokvium: 4

Transfusjonsmedisin:

Førelesingar: 8

Lab.kurs: 6

Kollokvium: 0

I tillegg kjem 2 timar eksamenskollokvium, 30 minutt til kvar disiplin.

Laboratorieøvingar i immunologi og mikrobiologi, Parablokk 1.

(12 timar obligatorisk laboratoriekurs).

Laboratoriekurset skal vere fullført før ein tek eksamen.

Obligatorisk undervisningsaktivitet er ikke karakter-tellende, men må være godkjent i henhold til emnebeskrivelsen for at studenten skal kunne fremstille seg til vurdering.

NB! En godkjent obligatorisk undervisningsaktivitet er gyldig i to semester etter godkjenningen.

Fire timar skriftleg eksamen og ein time praktisk eksamen.

Hjelpemidler: Ingen.

Emneansvarleg: Harald Wiker@k2.uib.no

Studieadministrative spørsmål: studie@kliniskmedisin.uib.no eller Elin.Heggernes@uib.no