Haust og vår
Studentane skal gjennom kurset tileigne seg grunnleggjande kunnskap og øving innan samfunnsvitskapleg metode. Siktemålet er å gi studentane forståing for vitskaplege arbeidsmåtar som grunnlag for vidare arbeid med faget, samt å gi dei innsikt i konkrete forskningsteknikkar og korleis desse blir nytta i praksis.
Kurset gir ei generell innføring i samfunnsvitskaplege metodar, med vekt på ulike opplegg for innsamling og analyse av forskjellige typar data. I kurset vert m.a. casestudier, komparativ metode, regresjonsanalyse og innhaldsanalyse, gjennomgått.
Etter å ha avslutta emnet skal studenten kunne:
- Vise til etiske problemstillingar i samfunnsvitskapeleg forsking.
- Definere grunnleggjande omgrep i samfunnsvitskapeleg metode.
- Gjere greie for ulike kjelder, samt organisere og presentere ulike datatypar for analysar.
- Diskutere og grunngje metodeval ut frå ulike problemstillingar.
- Gjere greie for observasjon som metode, komparativ metode og case-studiar.
- Gjennomføre kvalitative intervju, kvalitative tekstanalysar, tabellanalyse, korrelasjonsanalyse og regresjonsanalyse.
- Demonstrere ferdigheiter i å skrive rapportar frå vitskapelege undersøkingar.
- Evaluere og kritisere samfunnsvitskapelege analysar.
Førelesingar, seminar, kollokvie og laboratoriearbeid i PC-stover.
Talet på førelesingstimar: rundt 36
Talet på seminar/kollokvietimar: 20-24
Innlevering av fire øvingsoppgåver, to i kvalitative og to i kvantitative metodar. Oppgåvene er obligatoriske og skal være godkjent før studenten kan framstille seg til eksamen i emnet.
Godkjente obligatoriske arbeidskrav er gyldig i det aktuelle eksamenssemesteret samt dei to påfølgande eksamenssemestra.
Seks timers skriftleg eksamen (09:00-15:00).
Det er full poengreduksjon mellom 102-metodeemnet i sosiologi, samanliknande politikk og administrasjon og organisasjonsvitskap.
studieveileder@isp.uib.no/ studieveileder@aorg.uib.no/ studieveileder@sos.uib.no
Emnet er eit samarbeid mellom Institutt for administrasjon og organisasjonsvitskap, Institutt for samanliknande politikk og Sosiologisk institutt.