Haust/vår 

Tilrådd i 2. semester av MAHF-NORD.

8. semester av MAHF-LÆNO (vår).

 Hovudmålet med emnet er at studenten skal planlegge arbeidet med masteroppgåva si i samråd med oppnemnd rettleiar. Studenten skal utforme planane i ei prosjektskisse og legge dei fram munnleg. Studenten skal òg vere med og diskutere ein annan masterstudent sin prosjektpresentasjon.

Prosjektskissa femner normalt om

• tema, problemstilling og forskingsspørsmål
• teoretisk grunnlag, faglitteratur, sekundærkjelder
• avgrensing av primærkjeldematerialet
• faghistorisk plassering
• vitskaplege metodar
• framdriftsplan
• tekstdisposisjon

alt tilpassa det planlagde arbeidet.

Arbeidet skal byggjast på faglege kunnskapar og innsikter, og det er eit mål med emnet at studenten skal få øving i å skaffe seg nødvendig informasjon og kunnskap ved sjølvstendig innsats. Dette skal gjerast i tilknyting til det individuelle særemnet, der studenten legg opp eit spesialisert pensum i samråd med rettleiar.

Tidleg i semesteret skal studenten inngå rettleiingskontrakt. Faglærarane på emnet og fagkoordinatorane hjelper studenten med å finne ein passande rettleiar.

Pensumet er på ca. 350 sider og gir ei innføring i planlegging og gjennomføring av oppgåveskriving.

 Kunnskapar:

Studenten

- har innsikt i kva komponentar som trengst i planar for eit forskingsarbeid

Ferdigheiter:

Studenten

- kan planlegge eit forskingsarbeid ved å formulere tematisk avgrensing, problemstilling og forskingsspørsmål, gjere greie for teoretisk og faghistorisk plassering, metodar og materiale, sette opp tidsplan og tekstdisposisjon

- kan presentere eigne forskingsplanar munnleg og skriftleg

- kan diskutere andre sine forskingsplanar munnleg

 Om lag 4 timar undervisning tidleg i semesteret og 2 timar seint i semesteret. Undervisninga kan vere felles for språk og litteratur eller bli gitt i to grupper.

Oppnemnd rettleiar gir om lag 4 timar rettleiing under skrivinga av prosjektskissa og utarbeidinga av prosjektpresentasjon.

 1. Munnleg presentasjon av prosjektplan på slutten av semesteret. Presentasjonen skal vare 10¿15 minutt og vere i samsvar med skildringa av prosjektskisseinnhald ovanfor.

2. Diskusjon av ein annan masterstudent sin prosjektpresentasjon (jf. ovanfor).

Obligatoriske aktivitetar gjeld berre i det semesteret då dei vert gjennomførte.

 Rettleidd oppgåve i form av ei prosjektskisse på ca. 2500 ord (om lag 7 sider) som skal leverast til fastsett frist etter munnleg presentasjon av prosjektplanane.

Studenten vel målform sjølv. I samsvar med nasjonale retningslinjer vert det lagt vekt på korrekt og god språkbruk.