Bachelor.

Norsk. Svensk og dansk kan og verte nytta.

Vår.

Bergen

Emnet gir auka kunnskap om og dugleik i språkleg tekstanalyse.

Av aktuelle tema kan nemnast stilistikk, tekstbinding, munnleg vs. skriftleg språk, moderne skriftvariasjon, mediespråk, fagspråk, lærebokspråk, elevspråk.

Ikkje alle dei nemnde temaa treng å vere med, og andre tema som passar inn, kan òg vere aktuelle.

Kunnskap

Kandidaten har kunnskap om sentrale teoriar, omgrep og metodar innanfor språkleg tekstanalyse.

Kandidaten kjenner til viktige språklege hjelpemiddel og ressursar (t.d. ordbøker og ordlister, nettsider om språk, skriftspråkskorpus).

Dugleikar

Kandidaten kan bruke teoretisk kunnskap om språkleg tekstanalyse og nytte språklege hjelpemiddel og ressursar i eige arbeid med tekstar.

Kandidaten kan reflektere kring analysane og bruk av språkleg tekstanalyse i framtidig yrkespraksis.

Generell kompetanse

Kandidaten kan nytte innsikter og dugleik i språkleg tekstanalyse i yrkes- og samfunnssamanhengar der tekstar inngår.

Det er tre samlingar på to dagar kvar i løpet av semesteret. Undervisninga er felles med NOSP210/310 og dels NOSP210-L. Undervisninga (eller delar av den) kan vere felles med Språkkunnskap på Erfaringsbasert master med fordjuping i norsk.

Det er venta at studentane er til stades på undervisninga, og dette ligg til grunn når ein organiserer undervisninga og lagar eksamensoppgåver.

Om det melder seg færre enn fem studentar til eit emne, kan instituttet innføre redusert undervisning, jamfør instituttets retningslinjer for dette på Mitt UiB. På emne der dette kan verte aktuelt, vil studentane få informasjon om det ved semesterstart og før semesterregistreringsfristen 1. februar/1. september.

Det er venta at studentane er til stades på undervisninga, og dette ligg til grunn når ein organiserer undervisninga og lagar eksamensoppgåver.

Det er obligatorisk å levere utkast til semesteroppgåva og motta rettleiing på den.

Obligatoriske aktivitetar gjeld i undervisningssemesteret og semesteret etter.

Semesteroppgåve og ein skuleeksamen på 2 timar. Semesteroppgåva er eit sjølvstendig forskingsarbeid av avgrensa omfang.

Semesteroppgåva skal ha eit omfang på inntil 5000 ord, litteraturliste og vedlegg ikkje medrekna.

Skuleeksamenen er ein breiddetest med fleire deloppgåver.

Ingen andre hjelpemiddel er tillatne på skuleeksamenen enn slike som vert lagde ved eksamensteksten.

Det vert sett separate karakterar på semesteroppgåva og skuleeksamenen. Studenten må stå på begge delane i same semester for å stå i emnet. Ved utrekning av samla karakter tel semesteroppgåva 60 % og skuleeksamenen 40 %.

Eksamensdelane kan skrivast på bokmål eller nynorsk. Studenten vel målform sjølv; det kan vere same eller ulik målform på dei to delane. I samsvar med nasjonale retningslinjer vert det lagt vekt på korrekt og god språkbruk.

Pensum utgjer om lag 1000 sider av normal vanskegrad.

Ved semesterstart vil det ligge føre ei detaljert pensumliste. Dersom studenten ønskjer endringar av pensumlista, må ho leverast innan ein frist som vert kunngjord på Mitt UiB, og ho må godkjennast av emneansvarleg.

Undervisninga blir evaluert i samsvar med UiB sitt system for kvalitetssikring.