Emnet gir auka kunnskap om og dugleik i språkleg tekstanalyse.
Av aktuelle tema kan nemnast stilistikk, tekstbinding, munnleg vs.
skriftleg språk, moderne skriftvariasjon, mediespråk, fagspråk,
lærebokspråk, elevspråk.
Ikkje alle dei nemnde temaa treng å vere med, og andre tema som
passar inn, kan òg vere aktuelle.
Etter fullført emne skal studentane kunne gjere greie for sentrale
omgrep innanfor språkleg tekstanalyse.
Dei skal kunne nytte kunnskap og innsikter i eigne tekstanalysar.
Dei skal kunne reflektere kring analysane og bruk av språkleg
tekstanalyse i framtidig yrkespraksis.
Dei skal kjenne til og kunne bruke viktige språklege hjelpemiddel
og ressursar (t.d. ordbøker og ordlister, nettsider om språk,
skriftspråkskorpus).
Emnet er ope for studentar med studierett ved integrert
lektorutdanning med master i framandspråk.
Studentane kan følgje undervisninga på NOSP210/250 om det er
praktisk mogleg.
Undervisninga er elles nettbasert. Læraren formulerer
drøftingsspørsmål til primær- og sekundærtekstane, og det er
forventa at studentane deltek aktivt i diskusjonane og startar nye
diskusjonar på eige initiativ.
Det blir gitt skriftleg rettleiing i skriving av bacheloroppgåva.
Det er obligatorisk å velje problemstilling for bacheloroppgåva
innan fastsett frist. Det vert informert om framgangsmåten for dette
på Mitt UiB.
Det er obligatorisk å levere to utkast til bacheloroppgåva innan
fastsette fristar.
Obligatoriske aktivitetar gjeld berre i det semesteret då dei vert
gjennomførte.
Ei bacheloppgåve skriven under rettleiing. Oppgåva er eit
sjølvstendig forskingsarbeid og skal ha eit omfang på inntil 5000
ord, litteraturliste og vedlegg ikkje medrekna.
Oppgåva må vise ein jamt god prestasjon der kandidaten viser god
vurderingsevne og godt sjølvstende på dei viktigaste områda.
Målforma på bacheloroppgåva vert fastsett ved loddtrekking etter
fristen for melding til eksamen. I samsvar med nasjonale
retningslinjer vert det lagt vekt på korrekt og god språkbruk.
Emnet har full studiepoengreduksjon med NOSP210-L.
Emnet tilsvarar 2/3 av NOSP210, NOSP250, NOSP310 og NORMAU641. Ein kan
ikkje oppnå meir enn 15 studiepoeng samla for desse emna.
Institutt for lingvistiske, litterære og estetiske studium
E-post: studierettleiar@lle.uib.no