Norsk

Universitetet i Bergen

Emnet skal gje forståing for læraryrket som profesjon. Dette inneber blant anna at læraren har ansvar for elevane si utvikling og læring, og skal bidra til skulen si verksemd og utvikling. Vidare skal emnet gje innsikt i utfordringar knytt til ungdom og skule i eit demokratisk og fleirkulturelt samfunn, og korleis dette verkar inn på lærarrolla. Kunnskap om skulens normative oppgåver knytt til etikk, estetikk, kommunikasjon og rettleiing er og sentrale tema.

Følgjande tema vil bli vektlagt:

• Læraryrket som profesjon
• Ungdom, skule og samfunn
• Skulen i eit kultur- og demokratiperspektiv
• Kommunikasjon og rettleiing
• Etikk og estetikk

Kandidaten skal etter å ha fullført PEDA102 ha følgjande samla læringsutbyte definert som kunnskap, ferdigheiter og generell kompetanse:

Kunnskap

Kandidaten

• har kunnskap om læraryrket som profesjon.
• har kunnskap om ungdom i vanskelege situasjonar og deira rettigheiter i eit nasjonalt og internasjonalt perspektiv
• har nyansert kunnskap om skulens utfordringar i eit demokratisk og fleirkulturelt samfunn
• har kunnskap om etiske utfordringar som læraren kan stå ovanfor i skulen
• har kunnskap om dei estetiske dimensjonane ved skulesamfunnet

Ferdigheiter

Kandidaten

• kan identifisere og orientere seg i kunnskapsgrunnlaget for lærarprofesjonen.
• kan analysere problemstillingar som er knytt til samspelet mellom ungdom og skule i eit demokratisk og fleirkulturelt samfunn.
• kan identifisere og analysere problemstillingar knytt til kommunikasjon og rettleiing av elevar
• kan problematisere og ta stilling til etiske utfordringar som læraren står ovanfor i skulen
• kan identifisere ulike estetiske aspekt ved undervisninga

Generell kompetanse

Kandidaten

• kan med stor grad av sjølvstende identifisere, problematisere, vidareutvikle og kommunisere kunnskap innanfor eigen organisasjon og profesjon
• er tydeleg på kva som er skulens ansvar og oppgåver og er i stand til å balansere dette opp mot problemstillingar knytt til samspelet mellom ungdom, skule og samfunn.
• har ei profesjonell haldning og kan kritisk reflektere over spørsmål som gjeld elevars læring og utvikling

Undervisninga blir organisert i førelesningar og seminar. I tillegg har studenten 7 veker praksis. Studenten har tilbod om inntil 3 timar individuell rettleiing.

Omfang:

Timar/veka: 4-6

Tal på veker: 7

Totalt antall timar: 42 (14 t. førelesning og 28 t. seminar)

For å kunne gå opp til eksamen må studenten:

• Delta på seminar.
• Skrive og vidareutvikle to tekstar innanfor temaområda. Desse skal publiserast innan gjevne fristar på den digitale læringsplattforma
• Gje tilbakemelding på to medstudentar sine tekstar.
• Gjennomføre og bestå 7 veker rettleia praksis i skulen.

Obligatoriske arbeidskrav gjeld for tre semester, inkludert semesteret studenten påbegynte det aktuelle arbeidskravet

Mappeeksamen 6000 ord.

Obligatoriske arbeidskrav inngår ikkje i karakteren.

For meir informasjon, ver vennleg å ta kontakt med studierettleiar/informasjonssenter:

studierettleiar.psyfa@uib.no Tlf. 55 58 27 10