Mål:

Målet med emnet er å gje studentane kunnskap om skulen som arena for elevmangfald der mandatet er å gje ei grunnopplæring for alle i realfaga. Meir konkret handlar det om å dyktiggjera studenten til å kunne legga til rette for tilpassa opplæring som fremmer kompetansar knytt til grunnleggande ferdigheiter, demokratisk deltaking og berekraftig utvikling i faga.

Innhald:

Emnet tar opp tema som tilpassa opplæring og kulturelt mangfald, samt grunngjeving for faget, grunnleggande ferdigheiter og danning

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar:

Studenten

har kunnskap om tilrettelegging av læringsaktivitetar for elevar med ulike læreføresetnader og kulturell bakgrunn.

Kan greie ut om overordna målsetningar for matematikk og naturfag i skulen og drøfte ulike argument for realfaga som skulefag

Kan drøfte ulike tilnærmingar til utdanning for berekraftig utvikling og demokratisk deltaking og kunne eksemplifisere relevante arbeidsmåtar

Kan drøfte samtaler, skriving, lesing, rekning og IKT i realfaga i lys av omgrepa representasjonsformer, kunnskapstransformering og språklege kjenneteikn i faga

Kan greie ut om prinsipp og metodar for rettleiing og undervegsvurdering i matematikk og naturfag

Ferdigheiter:

Studenten identifisere og analysere problemstillingar knytt til tilpassa opplæring og kulturelt mangfald

Kan lage planar for undervisning med eiga formulering av læringsmål

Kan grunngje korleis ulike planlagde aktivitetar kan fremme kognitiv og språkleg aktivitet hos elevane

grunngje korleis ulike planlagde aktivitetar kan fremme utvikling av kompetansar knytt til berekraftig utvikling og demokratisk deltaking.

Kan kommunisere med elevane under gjennomføring av undervisninga

Kan gjere fokuserte observasjonar av elevrespons på undervisning og drøfte desse i lys av relevant teori

Kan reflektere systematisk over eigen undervisningspraksis med tanke på eigenutvikling som lærar

Generelle ferdigheiter:

Studenten

Kan søke opp relevant fag- og forskingslitteratur og bruke denne i argumentasjon for eigne og andre sine didaktiske val og vurderingar

Kan formidle og kommunisere pedagogiske problemstillingar knytt til utøving av læraryrket til aktørar i og utanfor skulen

Undervisinga er organisert omkring to samlingar av to dagar. I desse samlingane møter studentane førelesingar og seminarundervisning i mindre grupper. Utanom samlingane får studentane nettbaserte oppgåver. Det vil og være tilbakemelding på skriftleg arbeid undervegs i studiet, ved at kvar student får tilbod om to timar individuell rettleiing.

Undervisingspraksis i skolen er 20 dagar:

• Praksis blir gjennomført på vidaregåande skole
• Praksis blir enten i grupper, par eller individuelt
• Praksis skal helst gjennomførast i matematikk og naturfag, men andre realfag kan og vere aktuelle
• Praksis skal bestå av ein observasjonsdel i første del av perioden (ei veke). I den resterande perioden skal studentane få eit gradvis auka ansvar ved å gjennomføre undervisingsøkter i par og individuelt
• Ein praksisdag blir definert som seks skoletimar (på 45 minutter). Dette inkluderer forarbeid, undervising/observasjon og rettleiing, samt andre møter på skolen.
• Praksis er tilpassa, som betyr at skolen og studenten saman kan bli einige om når praksis skal gjennomførast, innanfor ein gitt tidsperiode

Obligatorisk oppmøte (100%) og deltaking på samling og i praksis

• Gjennomføring av fire obligatoriske oppgåver med innleveringar og presentasjonar undervegs og deltaking i responsgrupper. Tre av fire oppgåver skal vidareutviklast i løpet av semesteret og inngå i mappa som utgjer eksamensoppgåva.
• Praksis greidd/ikkje greidd

I emnet nyttar ein følgjande vurderingsformer:

Mappeeksamen med ein tekst på ca. 3000 ord og to kortare tekstar på ca. 1500 ord kvar, til saman 6000 +/- 10%, karakterskala A-F

Dei obligatoriske aktivitetane inkludert praksis må vere godkjende for å kunne gå opp til eksamen

Studierettleiar kan kontaktast her:

Studierettleiar@psyfa.uib.no

Tlf 55 58 27 10