Emner: RET256 Litteraturvitenskapelig retorikk med bacheloroppgave - Vår 2017
Studiepoeng
15.0Studiepoeng, omfang
Studienivå (studiesyklus)
Bachelor.
Undervisningsspråk
Norsk.
Undervisningssemester
Vår.
Undervisningsstad
Bergen
Mål og innhald
Emnet skal gi studentane djupare innsikt i litteraturvitskapleg retorikk og i retorikkhistoriske problemstillingar gjennom sjølvstendig arbeid med ei skriftleg oppgåve, bacheloroppgåva. Fordjupingstema varierer, avhengig av undervisningskreftene som er tilgjengelege, og aktuell forsking. Instituttet gir informasjon om kva tema som blir tilbydd i god tid før kvart semester.
Læringsutbyte
Kunnskapar
Studenten har
- gode kunnskapar om litteraturvitskapleg retorikk
Ferdigheiter
Studenten kan
- vise sjølvstendig evne til å utvikle, avgrense og formulere fruktbare problemstillingar i litteraturvitskapleg retorikk
- demonstrere ferdigheiter i å kartlegge kva forskingslitteratur som er relevant for problemstillinga
- vise ferdigheiter i å analysere retorikk i eit eller fleire litterære verk, posisjonere forskingslitteraturen litteraturteorietisk
- evne å trekke eigne konklusjonar på grunnlag av dette formidla i skriftleg arbeid
Generell kompetanse:
Studenten har
- grunnleggande kompetanse i å utvikle og gjennomføre eit lengre sjølvstendig skriftleg arbeid
- kompetanse i fagleg kommunikasjon, særleg på feltet retorikk
- evne til å resonnere, syntetisere og dokumentere i faglege framstillingar
Krav til forkunnskapar
Ingen.
Tilrådde forkunnskapar
ALLV111-114.
Studiepoengsreduksjon
RET206: 15 studiepoeng
Krav til studierett
Emnet er ope for alle med studierett ved Universitetet i Bergen.
Undervisningsformer og omfang av organisert undervisning
Undervisninga er felles med RET206.
Det blir gjeve undervisning i form av seminar, ca. 30 timar per semester.
Om det melder seg færre enn fem studentar til eit emne, kan instituttet innføre redusert undervisning, jamfør instituttet sine retningsliner for dette på Mitt UiB. På emne der dette kan verte aktuelt, vil studentane få informasjon om det ved semesterstart, og før fristen for semesterregistrering 1. februar / 1. september.
Obligatorisk undervisningsaktivitet
Det er obligatorisk å møte til minimum to rettleiingar.
Tema for bacheloroppgåva skal fastsetjast i samråd med faglærar.
Vurderingsformer
Eksamen består av to deler som kvar tel 50% av endeleg karakter:
- Bacheloroppgåve på 12-15 maskinskrivne sider (ca. 3500-5000 ord).
- Munnleg eksamen der det blir eksaminert både i bacheloroppgåva og i resten av pensumet.
Kandidatane må greie begge eksamensdelane i same semester.
Hjelpemiddel til eksamen
Karakterskala
Karakterskala A - F
Vurderingssemester
Litteraturliste
Pensum i det litteraturvitskaplege særområdet omfattar ca åtte verk. Av desse skal minst to vere av ikkje-teoretisk art (essays, sakprosa, skjønnlitteratur). Eit utval på 100 sider litteraturteori gjeld som eitt verk. Likeins tel eit utval på 25 sider lyrikk eller 150 sider kortprosa som eit verk. Dei litterære verka skal om mogeleg lesast på originalspråket.
Instituttet gjer framlegg til fullt spesifisert pensumliste. Studentar som gjer endringar i pensum må melda instituttet om dette på eige skjema med signatur frå emneansvarleg. Skjema og opplysningar om innleveringsfristar vert publiserte på Mitt UiB ved semesterstart.
Emneevaluering
Evaluering av tilbodet blir gjennomført i tråd med UiBs kvalitetssikringssystem.
Programansvarleg
Emneansvarleg
Administrativt ansvarleg
Kontaktinformasjon
Institutt for lingvistiske, litterære og estetiske studium
E-post: mailto:studieveileder@lle.uib.no/studierettleiar@lle.uib.nostudierettleiar@lle.uib.no