Emner: SOS202 Bacheloroppgave i sosiologi - Høst 2017
Studiepoeng
15.0Undervisningsspråk
Norsk
Undervisningssemester
Haust og vår
Mål og innhald
Hovudmålsetjinga med bacheloroppgåva er at studentane skal foreta ei sjølvstendig drøfting og analyse av ei sosiologisk problemstilling med utgangspunkt i anten sosiologisk litteratur eller eit empirisk datamateriale.
Emnet består av ei generell innføring i skriving av ei bacheloroppgåve, og ei sjølvvalt sosiologisk fordjuping som skal resultere i ei sjølvstendig skriftleg oppgåve. Oppgåva skal ta utgangspunkt i eit tema/ei problemstilling som anten vert drøfta ut frå eit eller fleire teoretiske perspektiv, tidlegare forsking eller empirisk analyse av kvantitative eller kvalitative data. Instituttet vil syte for at det føreligg ei liste med forslag til tema.
Læringsutbyte
Etter gjennomføring av emnet skal studenten kunne- Gjere greie for relevant faglitteratur om eit eige vald tema og vise innsikt i teoretiske og metodiske problemstillingar knytt til tema.
- Utforme ei sosiologisk problemstilling og eit opplegg for undersøkingar og analyse av eit eige valt tema.
- Samle inn og analysere ulike typar empirisk og teoretisk materiale, samt disponere og framstille sjølvstendig eit skriftleg sosiologisk arbeid.
- Vise evne til munnleg formidling av eige arbeid, og praktiske dugleikar i bruk av kjelder og referansar og etiske normer knytt til heiderleg framferd i forskingsarbeid.
- Gjennomføre ein sjølvstendig innsamling og analyse av relevant forskingslitteratur og empirisk materiale om eit avgrensa tema, og presentere denne analysen på ein kortfatta og oversikteleg måte.
Krav til forkunnskapar
MET102 og minst eitt av emna SOS101, SOS103 eller SOS105/SOS106/SOS108/SOS109/SOS110/SOS111/SOS112/SOS113/SOS115/SOS116/SOS117
Tilrådde forkunnskapar
SOS101, MET102, SOS103 og eitt av emna SOS105/SOS106/SOS108/SOS109/SOS110/SOS111/SOS112/SOS113/SOS115/SOS116/SOS117
Undervisningsformer og omfang av organisert undervisning
Førelesingar, seminar og rettleiing
Obligatorisk undervisningsaktivitet
Munnleg presentasjon av bacheloroppgåva.
Godkjende obligatoriske arbeidskrav er berre gyldig i det aktuelle eksamenssemesteret.
Vurderingsformer
Innlevering av ei bacheloroppgåve (7500 - 8000 ord) og justerande munnleg eksamen.
- Ein student har i utgangspunktet ikkje høve til å levere inn same bacheloroppgåve i SOS202 fleire gonger. Dersom ein student ønskjer å framstille seg til ny eksamen og basere oppgåva på same tema, må kandidaten:
stille og gje svar på nye problemstillingar, og/eller
- trekkje inn nye kjelder/data, og/eller
- gjere ei radikalt endra analysedrøfting av problemstillingane/empirien.
Studenten må søkje instituttet om å gå opp til ny eksamen i SOS202. I søknaden skal studenten gjere greie for dei endringane han/ho planlegg å gjere i oppgåva. Instituttet ved emneansvarlege for SOS202, avgjer søknaden
Karakterskala
Karakterskala A-F
Vurderingssemester
Haust og vår
Emneevaluering
Emnet vert evaluert av studentar og faglærar i tråd med vedtatt evalueringsplan for alle emne på bachelor- og masternivå i sosiologi.
Kontaktinformasjon
studieveileder@sos.uib.no