Studiet skal gi studentane oversyn over viktige utviklingstrekk og hendingar i latinamerikansk historie med vekt på det 20. hundreåret, slik at dei skal kjenna bakgrunnen for det Latin-Amerika me ser dag.

Studentane vinn innsyn i sentrale tema og problemstillingar innan fagområdet latinamerikansk historie. Vidare skal studentane analysera fagstoff og trekka eigne slutningar. Dei skal kunna vidareutvikla sin kunnskap, dugleik og forståing gjennom vidare studium og yrkesliv.

 Kunnskap:

Kandidaten

• har kunnskap om hovudtrekka i latinamerikansk historie med vekt på det 20. hundreåret.
  

Dugleik:

Kandidaten

• har forståing for kva historiske faktorar som dannar bakgrunnen for aktuelle problemstillingar i dagens latinamerikanske samfunn og kultur.
• har forståing for korleis ulike perspektiv pregar framstillingane av latinamerikansk historie og samfunn.
• kan samtala om tema knytte til latinamerikansk historie, og då særleg tema frå det 20. hundreåret.
• kan gjera greie for sentrale trekk og samanhengar i latinamerikansk historie.
  

Grunnkompetanse:

Kandidaten

• kan analysera fagstoff og trekkja eigne slutningar.
• kan demonstrera kunnskap og evne til fagleg drøfting i mindre skriftlige arbeid på eit klart og korrekt spansk språk.
• kan vidareutvikla sin kunnskap, dugleik og forståing gjennom vidare studium og yrkesliv.

 Emnet er ope for alle med ein studierett ved UiB.

Personar utan studierett kan søkja Det humanistiske fakultet om å få gå opp til særskild eksamen.

 Det blir undervist i sentrale delar av pensum i hovudsak i form av oversynsførelesingar. Særleg er det lagt vekt på at studentane skal forstå kva innverknad historiske utviklingstrekk og hendingar har hatt på utviklinga i Latin-Amerika i det 20. hundreåret. Normalt blir det gitt førelesingar fire timar i veka i åtte veker. Det kan også verta aktuelt å organisera undervisninga i større blokker.

Det blir også normalt gitt gruppeundervisning to timar i veka i åtte veker, der ein diskuterer sentrale problemstillingar.

Om det melder seg færre enn fem studentar til eit emne, kan undervisningstilbodet bli tilpassa studenttalet. Studentane vil i så fall bli informerte om det alternative undervisningsopplegget ved semesterstart og før semesterregistreringsfristen 1. februar/1. september.

 Vurderingsforma i emnet er ein 4-timars skuleeksamen som vert skriven på spansk. Karakteren vert sett på grunnlag av både innhald og språk. Eksamen kan bli digital.

Studentane kan nytta eitt-språkleg og to-språkleg (t.d. norsk-spansk/spansk-norsk) ordbok godkjend av instituttet på eksamensdagen. Studentane må sjølve ta med ordbøker til eksamen, og halda seg orienterte om og retta seg etter reglane som gjeld for kontroll av ordbøkene.