Emner: TYS111 Grunnemne i tysk språk I - Vår 2017
Studiepoeng
15.0Studiepoeng, omfang
Studienivå (studiesyklus)
Bachelor
Undervisningsspråk
Tysk
Undervisningssemester
Vår
Undervisningsstad
Bergen og Kiel
Mål og innhald
Emnet omfattar eit basiskurs i tysk grammatikk og lydlære (fonetikk/fonologi), og oppøving av skriftleg og munnleg meistring av språket. Ved språktreninga blir det teke utgangspunkt i munnlege og skriftlege teksttypar av ulike slag, og det blir arbeidd både med bundne (omsetjing, utfyllingsoppgåver, feilrettingsoppgåver m.m.) og friare øvingar (resyme, essay, argumentasjon, intervju, reportasje m.m.).
TYS111 er ein obligatorisk del av spesialiseringa i tysk.
Læringsutbyte
Kunnskap:
Studenten
- har gode basiskunnskapar i tysk grammatikk og lydlære, derunder kjennskap til viktige ulikskapar mellom tysk og norsk
- har grunnleggjande kunnskap om sentrale utviklingstrekk i tysk fonetikk/fonologi
- har grunnleggjande kunnskap om tysk grammatisk og fonetisk/fonologisk fagterminologi (herunder òg grunnleggjande kjennskap til fonetisk transkripsjon ved hjelp av IPA-teikn)
- har grunnleggjande kunnskap om skriftleg og munnleg kommunikasjon på tysk
Dugleik:
Studenten
- kan uttrykkje seg godt på tysk både munnleg og skriftleg
- kan bruke grunnleggjande tysk fagterminologi til å analysere tekstar og munnlege uttrykk
- kan bruke enkle syntaktiske analyseverkty og enkel fonetisk transkripsjon
Grunnkompetanse:
Studenten
- har eit godt grunnlag for å utvida eigen praktisk og teoretisk kompetanse i tysk språk
- er i god stand til å halde fram tyskstudiet på 100-nivå
Krav til forkunnskapar
På grunn av emnet sitt fokus på kontrastive aspekt føreset ein kjennskap til norsk språk.
Tilrådde forkunnskapar
Det blir tilrådd at studentane har kunnskapar og dugleik i tysk som svarer til nivå II frå vidaregåande skule eller tilsvarande.
Studiepoengsreduksjon
TYS111-F (100%)
Krav til studierett
Emnet er ope for alle med ein studierett ved UiB.
Undervisningsformer og omfang av organisert undervisning
- Undervisningstilbodet omfattar forelesingar/seminar og gruppeundervisning som føreset aktiv deltaking frå studentane. NB! Undervisninga i delar av TYS111 er lagt til Universitetet i Kiel.
- Tre dobbeltimar forelesing / seminar + to dobbelimar gruppeundervising
- 10 veker i Bergen + 6 veker i Kiel
Obligatorisk undervisningsaktivitet
Det er oppmøteplikt til 75 % av forelesingane i Bergen.
I løpet av semesteret skal det skrivast fire korte øvingsoppgåver i grammatikk og dessutan to korte øvingsoppgåver i samband med undervisninga i skriftleg praktisk tysk. I tillegg må kvar student i samband med undervisninga i munnleg praktisk tysk halde to presentasjonar à ca. 10 min.
Alle arbeidskrava må vere godkjende av faglærar i same semester før ein kan gå opp til skriftleg eksamen i emnet.
Vurderingsformer
Vurdering skjer på grunnlag av to eksamensdelar:
Eksamensdel 1 er ein 4 timars skriftleg skuleeksamen (med einspråkleg tysk-tysk ordbok) i grammatikk og skriftleg praktisk tysk som blir arrangert etter Kiel-opphaldet. Eksamen kan bli digital.
Eksamensdel 2 er ein munnleg eksamen i lydlære og praktisk tysk (ca. 30 min.) som blir arrangert etter den skriftlege skuleeksamenen.
Begge eksamensdelane må vere greidd i same semesteret
Det blir gitt éin samla karakter. Ved fastsetjinga av denne karakteren tel den skriftlege skuleeksamenen (eksamensdel 1 ) 60%, og den munnlege eksamenen (eksamensdel 2) 40%.
Hjelpemiddel til eksamen
Karakterskala
Ved sensur nyttar ein karakterskalaen A-F, der F er stryk.
Vurderingssemester
Litteraturliste
Pensum omfattar sentrale element i tysk grammatikk og lydlære (jf. Læringsutbyte/resultat), og dessutan lærestoff knytta til praktisk språkbruk.
Emneevaluering
Undervisninga blir evaluert i tråd med UiB sitt kvalitetssikringssystem.
Programansvarleg
Emneansvarleg
Administrativt ansvarleg
Kontaktinformasjon
studieveileder@if.uib.no