Emnet tematiserer ulike aspekt ved tyskspråkleg kultur frå opplysningstida (1760) fram til i dag med utgangspunkt i ulike tekstar og kulturelle uttrykksformer, blant dei skjønnlitterære tekstar, ulike typar sakprosa, film, musikk og biletkunst.

TYS112 er ein obligatorisk del av spesialiseringa i tysk.

Kunnskap:
Studenten:

• skal tileigne seg grunnleggjande kunnskapar om bakgrunnen for det moderne tyske samfunnet og den kulturelle utviklinga i Tyskland.
• har kunnskap om den tyske nasjonsbyggingsprosessen og statsdanninga og særtrekk ved ulike kulturhistoriske periodar

Dugleik:
Studenten:

• skal forstå kulturhistoriske fagtekstar og ulike estetiske uttrykk og kunne arbeide sjølvstendig med desse
• skal kunne arbeide sjølvstendig med ulike media for å tileigne seg forståing av den kulturelle utviklinga i Tyskland

Grunnkompetanse:
Studenten:

• har grunnleggjande kunnskap om utvalde tema innan tyskspråkleg kultur i perioden frå opplysningstida (1760) fram til i dag,
• har eit reflektert forhold til stoffet
• kan analysere ulike kulturelle uttrykk og setje dei inn i historisk og samfunnsmessig samanheng

• Undervisingstilbodet omfattar forelesingar/seminar og gruppeundervisning. Aktiv deltaking frå studentane er ein føresetnad. NB! Undervisinga i delar av TYS112 er lagt til Universitetet i Kiel.
• 2 eller 3 dobbeltimar i Bergen + undervising i Kiel + bibliotekskurs

10 veker i Bergen + 6 veker i Kiel

Det er oppmøteplikt til 75 % av undervisninga i Bergen.

I løpet av semesteret skal det skrivast to korte (ca. 500 ord) øvingsoppgåver og haldast minst ein kort munnleg presentasjon.

Arbeidskrava er gyldige i undervisningssemesteret og det følgjande semesteret.

Vurdering skjer på grunnlag av ein sju dagars heimeeksamen og ein munnleg eksamen (ca. 30 min.).

Omfanget på heimeeksamenen skal vere ca. 1500 ord, ikkje medrekna innhaldsoversyn, oppgåveformulering og litteraturliste.

Den munnlege eksamenen er sett saman av ein presentasjon (15 min.) og ein samtale rundt pensum generelt (15 min.).

Begge eksamensdelane må vere greidd i same semesteret.

Det blir gitt éin samla karakter. Ved fastsetjinga av denne karakteren tel heimeeksamen 50%, og den munnlege eksamenen 50%.

Ved sensur nyttar ein karakterskalaen A-F, der F er stryk.