Kunnskapar:
Studenten skal
- gjere greie for og drøfte sentrale perspektiv i religionsvitskapleg fagdidaktikk
- ha kunnskap om læreplanane i religions- og livssynsfaga, og kunne analysere dei kritisk
- forklare utfordringar med religionsfagas plass i skolen
Ferdigheiter:
Studenten skal
- planleggje og gjennomføre undervisningsopplegg i religions- og livssynsfaget på vidaregåande trinn
- bruke fagdidaktisk teori til å vurdere og reflektere kritisk rundt eigen og andre si undervisning
- fagleg grunngje val av ulike læringsaktivitetar og arbeidsmåtar tilpassa elevar på vidaregåande trinn
Generell kompetanse
Studenten skal
- konkretisere målsetjingane i religions- og livssynsfaget på vidaregåande trinn med utgangspunkt i fagleg kunnskap
- utvikle eigen fagdidaktisk kompetanse
- nytte fag- og fagdidaktisk kunnskap til å kritisk reflektere over profesjonsetiske og utdanningspolitiske spørsmål
Frammøte på forelesingane og seminara dannar grunnlaget for fagdidaktiske drøftingar av utdanningsløp, læreplanen og religionsdidaktiske problemstillingar. Dette skal leie fram til fagleg, didaktisk, yrkesetisk og sosial kompetanse, som igjen skal føre til naudsynt kompetanse for endring og utvikling. Difor er det obligatorisk frammøte på minst 80 prosent av forelesings- og seminarundervisninga.
For å kunne gå opp til eksamen i DIDAREL1 kan studentane bli pålagt å gjere inntil 3 obligatoriske aktivitetar innan fastsette tidsfristar. Omfang og konkretisering av obligatoriske aktivitetar vil gå fram av semester- og eksamensplanar.