Fagdidaktikk i tysk inngår som ein del av universitetet si tysklærarutdanning. Sentralt i studiet er spørsmål knytt til elevane si kompetanseutvikling i tysk og til utvikling av fagdidaktisk refleksjon og handling. Eit grunnleggjande spørsmål er korleis studenten kan utvikle og relatere tyskfagleg kunnskap til det å vere tysklærar. Spesielt viktig er det å utvikle forståing for korleis eigen språkkompetanse, innsikt i språket og innsikt i eigne læringsprosessar kan vere bidrag i arbeidet med å tilretteleggje for språklæringa til elevane.

Studiet er organisert slik at ein har noko undervisning på tvers av språkfaga for å understreke ein felles kunnskapsteoretisk samanheng og med tanke på felles danningsmålsetjingar for språkfaga i skolen.

Studiet inneheld fire målområde:

- Legitimeringa til faget i dagens skole

- Teoriar om språklæring

- Tilrettelegging for tysklæring

- Rettleiing og eigenvurdering

- 26 timar førelesingar

- om lag seks timar fellesførelesingar i språkdidaktikk

- Minst tre timar undervisningsverkstad

- Rettleiing

Undervisninga er både nettbasert og i form av førelesingar

Om det melder seg færre enn fem studentar til eit emne, kan undervisningstilbodet bli tilpassa studenttalet. Studentane vil i så fall bli informerte om det alternative undervisningsopplegget ved semesterstart, og før semesterregistreringsfristen 1. februar/1. september.

For å kunne gå opp til eksamen i tysk fagdidaktikk må studentane ha gjennomført inntil 3 obligatoriske aktivitetar innan fastsette tidsfristar.

1. Intervju med tyskelevar

2. Presentasjon av undervisningsopplegg

3. Skriftleg arbeid som drøftar ei tyskdidaktisk problemstilling